Сакі (Бельскі павет)

У гэтага паняцця ёсць і іншыя значэнні, гл. Сакі.

Сакі́ (польск.: Saki, па-падляску: Sakí[1]) — вёска ў Бельскім павеце Падляскага ваяводства Польшчы. Знаходзіцца ў гміне Бельск Падляскі.

Насельніцтва

Жыхары вёскі ў большасці этнічныя беларусы, якія карыстаюцца падляскім дыялектам, праваслаўныя (прыход св. Нараджэння Яна Хрысціцеля ў Пасынках[2]). Каталіцкая частка насельніцтва (парафія Божай Маці з Гары Кармэль у Бельску Падляскім[3]) па этнічных ідэнтыфікацыях — польская.

Гісторыя

Сакі былі заснаваныя як паселішча путных слуг на шляху з Варшавы ў Вільню. Да іх абавязкаў прыналежала м.ін. служба пры транспартаванні каралеўскай пошты (вядома, што жыхары Сакоў займаліся тым яшчэ ў канцы 18 ст.). Існавалі тут таксама карчмы на гэтым важным шляху[4]. У міжваенны перыяд Сакі прыналежалі да гміны Пасынкі Бельскага павета Беластоцкага ваяводства. Паводле польскага перапісу насельніцтва 1921 г. пражывалі тут 137 жыхароў (3 каталікі палякі і 134 праваслаўных беларуса)[5]. Пасля Другай сусветнай вайны Сакі былі далучаныя да гміны Бельск Падляскі.

Ураджэнцы

• Міхась Шаховіч (1953 — 2000) — беларускі паэт

Зноскі

1. ↑ Pudlaśki nazvy. Saki(нявызн.). svoja.org. Праверана 20 красавіка 2015.
2. ↑ Архіўная копія(польск.)  (недаступная спасылка). Архівавана з першакрыніцы 4 студзеня 2014. Праверана 28 чэрвеня 2016.
3. ↑ Парафія Божай Маці з Гары Кармэль у Бельску-Падляскім(польск.) . Праверана 20 красавіка 2015.
4. ↑ Рыгор Сасна, Дарафей Фіёнік: Pasynki i okolice. Bielsk Podlaski – Ryboły – Białystok: Białoruskie Towarzystwo Historyczne, 2001. с. 23. (польск.)
5. ↑ Skorowidz miejscowości Rzeczypospolitej Polskiej : opracowany na podstawie wyników pierwszego powszechnego spisu ludności z dn. 30 września 1921 r. i innych źródeł urzędowych. T. 5. Województwo białostockie, с. 25(польск.) . Праверана 20 красавіка 2015.

Шаблон:Гміна Бельск Падляскі