Сядзельнікі

Сядзе́льнікі[1] (трансліт.: Siadzieĺniki, руск.: Седельники) — вёска ў Ваўкавыскім раёне Гродзенскай вобласці. Уваходзіць у склад Падароскага сельсавета.

Гісторыя

Мясцовасць вядома з сярэдзіны XVI ст. У XVII ст. шляхецкая ваколіца. У 1796 годзе пражывала 35 шляхецкіх сем’яў. Побач фальварак, які належаў Іосіфу Ельцу, другі фальварак — уласнасць Бенедыкта і Мікалая Равенскіх, трэці — Антонія Шчыгельскага. У 1947 годзе арганізаваны калгас. У 50-я гады XX ст. на рацэ Зяльвянка пабудавана гідраэлектрастанцыя.

Насельніцтва

• 1836 год — 10 двароў, 51 жыхар. Ваколіца аднадворцаў, 4 двары, 19 жыхароў.
• 1914 год — у вёсцы 10, у маёнтку 7 двароў, 94 жыхары.
• 1 студзеня 2004 год — 70 двароў, 134 жыхары.

Памятныя мясціны

• Рэшткі сядзібы і парку сярэдзіны XIX ст.,
• Свята-Параскева-Пятніцкая царква (1872).

Вядомыя асобы

• Іван Андрэевіч Хлябцэвіч (1857—1919) — беларускі гісторык.

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Сідзе́льнікі

Спасылкі

• На Вікісховішчы ёсць медыяфайлы па тэме Сядзельнікі