Табарышкес

Та́барышкес[1] (літ.: Tabariškės, традыцыйная беларуская назва — Табарышкі) — вёска ў Шальчынінкайскім раёне Вільнюскага павета Літвы. Уваходзіць у склад Тургялейскай сянюніі. Размешчана на рацэ Мяркіс, на паўночны ўсход ад Шальчынінкая, каля беларуска-літоўскай граніцы. Насельніцтва на 2011 год — 275 чалавек.

Гісторыя

Вялікае Княства Літоўскае

Першы пісьмовы ўcпамін пра Табарышкі датуецца 1507 годам, калі яны ўваходзілі ў склад Віленскага павета Віленскага ваяводства.

У 1770 годзе ў Табарышках быў пабудаваны касцёл.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Табарышкі апынуліся ў складзе Расійскай імперыі, у Віленскім павеце Віленскай губерні.

На 1859 год у Табарышках было 15 будынкаў.

Найноўшы час

У 1920 годзе Табарышкі апынуліся ў складзе Сярэдняй Літвы, у 1922 годзе — у складзе міжваеннай Польскай Рэспублікі.

Пасля заняцця тэрыторыі ў выніку паходу ў Заходнюю Беларусь у верасні 1939 года ўлады СССР перадалі мястэчка Літве.

• Мястэчка на старых здымках
• Сядзіба, 1913 г.
• Сядзіба. Я. Булгак, 1930 г.
• Сядзіба, да 1939 г.
• Гаспадарчыя пабудовы, да 1939 г.

Насельніцтва

• XIX стагоддзе: 1859 год — 166 чал.[2]
• XXI стагоддзе: 2011 год — 275 чал.

Славутасці

• Гаспадчы двор Важынскіх
• Капліца прыдарожная
• Касцёл Святога Міхаіла Арханёла (1770), помнік традыцыйнага беларускай драўлянага дойлідства
• Могілкі старыя каталіцкія, капліца

Страчаная спадчына

• Сядзіба Важынскіх (XIX ст.)

Вядомыя асобы

• Войцех Табар (~1453—1507) — рэлігійны і дзяржаўны дзеяч Вялікага Княства Літоўскага, біскуп віленскі

Зноскі

1. ↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
2. ↑ Krzywicki J. Taboryszki (3) // Słownik geograficzny… T. IX. — Warszawa, 1888. S. 959.

Спасылкі

• На Вікісховішчы ёсць медыяфайлы па тэме Табарышкес
• Табарышкі на сайце Radzima.org