Уласы (Баранавіцкі раён)

У паняцця ёсць і іншыя значэнні, гл. Уласы.

Ула́сы[1] (трансліт.: Ulasy, руск.: Уласы) — вёска ў Баранавіцкім раёне Брэсцкай вобласці. Уваходзіць у склад Крошынскага сельсавета. Размешчана за 16 км на паўночны ўсход ад Баранавіч, за 3 км ад чыгуначнай станцыі Крошын на лініі Баранавічы—Мінск.

Гісторыя

Паводле перапісу 1897 года ў Сталовіцкай воласці Навагрудскага павета Мінскай губерні, дзейнічалі хлебазапасны магазін, цагельны завод.

З 1921 года ў складзе Польшчы, вёска Сталовіцкай гміны Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне.

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі. На франтах вайны загінулі 4 вяскоўцы.

Насельніцтва

• XIX стагоддзе:
  • 1897 — 94 двары, 266 жыхароў.
• XX стагоддзе:
  • 1909 — 51 двор, 301 жыхар.
  • 1921 — 27 дамоў, 158 жыхароў.
  • 1939 — 246 жыхароў.
  • 1959 — 183 жыхароў.
  • 1970 — 149 жыхароў.
  • 1998 — 46 двароў, 106 жыхароў.
• XXI стагоддзе:

Вядомыя асобы

• Лілія Сямёнаўна Кучур — Герой Сацыялістычнай Працы.

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх