Унецкі раён

Унецкі раён (руск.: Унечский район) — адміністрацыйна-тэрытарыяльная адзінка ў цэнтральнай частцы Бранскай вобласці Расіі. Адміністрацыйны цэнтр — горад Унеча.

Геаграфія

Плошча раёна — 1130 км². Асноўная рака — Унеча.

Гісторыя

5 ліпеня 1944 года ўказам Прэзідыума Вярхоўнага Савета СССР была ўтворана Бранская вобласць, у склад якой, нароўні з іншымі, увайшоў і Унецкі раён.

Дэмаграфія

Насельніцтва раёна складае 45,2 тыс. чалавек, у тым ліку ў гарадскіх умовах жывуць каля 28 тыс. Усяго налічваецца 110 населеных пунктаў.

Адміністрацыйна-тэрытарыяльны падзел

Пасля муніцыпальнай рэформы (2005) у раёне маецца 1 гарадское і 8 сельскіх паселішчаў:

Гарадское паселішча:

• Унецкае гарадское паселішча

Сельскія паселішчы:

• Бярэзінскае сельскае паселішча
• Высоцкае сельскае паселішча
• Івайцёнскае сельскае паселішча
• Красновіцкае сельскае паселішча
• Найтапавіцкае сельскае паселішча
• Паўлаўскае сельскае паселішча
• Старагутнянскае сельскае паселішча
• Старасельскае сельскае паселішча

Эканоміка

Унецкі раён належыць да ліку прамыслова-сельскагаспадарчых раёнаў. Прадпрыемствы-лідары — ААТ «Камбінат хлебапрадуктаў», радыёзавод ТАА «Тэмбр».

Транспарт

Праз раён праходзяць аўтатраса М13 Бранск — Навазыбкаў — мяжа Беларусі — (Кобрын). Чыгуначныя лініі злучаюць Унечу з такімі вузламі, як Бранск, Орша, Гомель, Хутар-Міхайлаўскі.

Славутасці

• Царква Покрыва Прасв. Багародзіцы ў в. Высокае
• Могілкі старыя праваслаўныя і капліца ў в. Добрык
• Царква Нараджэння Божай Маці ў в. Лышчычы
• Царква Успення Прасв. Багародзіцы ў в. Найтапавічы
• Царква Усіх Святых у в. Расуха
• Царква Св. Мікалая ў в. Семешкава
• Царква Св. Дзмітрыя Салунскага ў в. Старае Задубенне

Вядомыя асобы

• Іван Іванавіч Талкачоў (нар. 1953) — беларускі палітык.
• Валерый Мікалаевіч Чарапіца (нар. 1953) — беларускі гісторык. Кандыдат гістарычных навук (1979), прафесар (1991).

Спасылкі

• На Вікісховішчы ёсць медыяфайлы па тэме Унецкі раён
• Унецкі раён на Radzima.org