Хацькоўцы

Хацько́ўцы[1] (трансліт.: Chaćkoŭcy, руск.: Хотьковцы) — вёска ў Ваўкавыскім раёне Гродзенскай вобласці. Уваходзіць у склад Ваўкавыскага сельсавета.

Гісторыя

Вядома з XVII стагоддзя, належала Юндзілам і Белазорам. У 1796 годзе фальварак і вёска, уласнасць Адама Ельскага. У 1836 г. прыватная вёска, 27 двароў, 213 жыхароў.

Насельніцтва

На 01.01.2004 г. 166 двароў, 407 жыхароў.

Памятныя мясціны

Захаваліся рэшткі палаца і парку XIX ст. На паўднёвай ускраіне вёскі каменны могільнік эпохі Сярэднявечча (XV—XVII ст.). Выявіла ў 1958 г. Ф. Д. Гурэвіч, абследаваў у 1973 г. Я. Г. Звяруга. Знойдзена ганчарная кераміка.

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).

Спасылкі

• На Вікісховішчы ёсць медыяфайлы па тэме Хацькоўцы