Юзуфова (Мінскі раён)

Юзуфо́ва[1] (трансліт.: Juzufova, руск.: Юзуфово) — аграгарадок у Мінскім раёне Мінскай вобласці. Адміністрацыйны цэнтр Юзуфоўскага сельсавета.

Размешчана на поўнач ад Мінска на поўначы Мінскага раёна на аўтадарозе Н8964 Паперня—Радашковічы. Насельніцтва 704 чал. (2010). У аграгарадку на беразе ракі Чарняўка створана вадасховішча.

Гісторыя

Упершыню ў гістарычных крыніцах Юзуфова згадваецца ў 1897 годзе. У 1897 годзе Юзуфова — мястэчка, падворак, 24 жыхары[2]. Размяшчалася вёска на беразе рачулкі Чарняўкі, дзе ў цяперашні час разлілося штучнае вадасховішча. З 2011 года — аграгарадок[3].

Насельніцтва

• 1897 год — 24 жыхары
• 1999 год — 659 жыхароў
• 2003 год — 633 жыхары, 208 двароў
• 2010 год — 704 жыхары

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ Юзуфоўскі сельсавет Архівавана 15 красавіка 2015. (руск.)
3. ↑ Рашэнне Мінскага раённага Савета дэпутатаў ад 17.02.2011 № 103 «Аб пераўтварэнні некаторых сельскіх населеных пунктаў у аграгарадкі» (руск.)

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш.. — Мн.: БелЭн, 2003. — Т. 16. — С. 206. — 576 с. — 10 000 экз. — ISBN 985-11-0263-6 (Т. 16).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх