Асаўцы (Гомельскі раён)

У паняцця ёсць і іншыя значэнні, гл. Асаўцы.

Асаўцы́[1] (трансліт.: Asaŭcy, руск.: Осовцы) — вёска ў Гомельскім раёне Гомельскай вобласці. Уваходзіць у склад Бабовіцкага сельсавета. Знаходзіцца недалёк на паўднёвы захад ад горада Гомеля.

Геалогія

Каля вёскі размяшчаецца Асаўцоўскае радовішча паскоў. Пластавы паклад дробна- і сярэднезярністых пяскоў звязаны з адкладамі надпоймавай тэрасы Сажа. Радовішча эксплуатуецца, пяскі прыдатны на вытворчасць сілікатнай цэглы, сценавых блокаў[2].

Гісторыя

Вёска вядома з 18 ст. Непадалёк ад вёскі знаходзяцца шэраг помнікаў археалогіі.

Да 21 чэрвеня 2007 года вёска ўваходзіла ў склад Давыдаўскага сельсавета[3].

Дынаміка насельніцтва

У 1882 годзе — 19 двароў.

У 1909 — 50 двароў, 278 жыхароў.

Археалагічныя помнікі

• Мілаградскай культуры — 7-3 ст.да н.э.
• Зарубенскай культуры — 2ст.да н.э. — 5ст.н.э. (1,5 км на ўсход ад вёскі).

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Асо́ўцы
2. ↑ Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 575 с., іл. — 10 000 экз.
3. ↑ «Об упразднении Давыдовского сельсовета и изменении границ Бобовичского сельсовета Гомельского района». Решение Гомельского областного Совета депутатов от 21 июня 2007 г. № 51 Архівавана 14 студзеня 2021. (руск.)

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх