Бамако

Бамако́ (фр.: Bamako) — сталіца і самы вялікі горад Малі. Знаходзіцца ў паўднёва-заходняй частцы краіны, на рацэ Нігер, недалёка ад мяжы з Гвінеяй. Колькасць насельніцтва складае 1690 тыс. чалавек.

Гісторыя

У часы імперыі Малі, да ХІХ стагоддзя, Бамако быў цэнтрам вывучэння ісламу. З 1883 года горад быў акупаваны каланіяльнымі французскімі войскамі, у той час і распачалася разбудова горада. У 1908 годзе Бамако стаў сталіцай французскай калоніі Французскага Судана. У 1960 годзе горад стаў сталіцай незалежнага Малі. У пачатку ХХ стагоддзя Бамако быў невялікім паселішчам, у якім жылі ў асноўным прадстаўнікі народу малінке і бамбара, але разам з будовай плаціны ў Сатобе і завадненнем навакольных зямель водамі Нігеру пачаўся выбуховы рост гораду. Дадатковай прычынай развіцця горада была пабудова чыгункі да сталіцы Сенегала Дакару, які з’яўляецца вялікім марскім портам. У нашы дні Бамако гэта сучасная метраполія. Акрамя чыгункі ёсць міжнародны аэрапорт, які злучае горад з многімі гарадамі Афрыкі і Еўропы.

Гарады-пабрацімы

•  Bobo-Dioulasso[d], Буркіна-Фасо
•  Анжэ, Францыя (1974)
•  Ашгабат, Туркменістан
•  Банжул, Гамбія
•  Бардо, Францыя (1999)[1]
•  Дакар, Сенегал
•  Лейпцыг, Германія
•  Мабёж, Францыя
•  Нуакшот, Маўрытанія
•  Рочэстэр, ЗША (1975)[2]
•  Сан-Паўлу, Бразілія (2000)

1. ↑ http://www.bordeaux.fr/ebx/LinkResolverServlet?classofcontent=presentationStandard&id=5522
2. ↑ https://www.cityofrochester.gov/article.aspx?id=8589950583