Бараўляны (Мінскі раён)

У паняцця ёсць і іншыя значэнні, гл. Бараўляны. Бараўля́ны[1] (трансліт.: Baraŭliany, руск.: Боровляны) — вёска ў Мінскім раёне Мінскай вобласці. Уваходзіць у склад Бараўлянскага сельсавета.

Да 9 жніўня 1979 года вёска ўваходзіла ў склад Зеленалужскага сельсавета[2].

Насельніцтва

• 2008 год — 5329 жыхароў
• 2009 год (перапіс) — 7339 жыхароў
• 2014 год — 12 800 жыхароў
• 2018 год — 16 708 жыхароў

Агульная інфармацыя

Вёска мяжуе з пасёлкам Лясны[3] і дала назву аднайменнаму сельсавету.

Ахова здароўя

У вёсцы размешчаны Рэспубліканскі навукова-практычны цэнтр дзіцячай анкалогіі, гематалогіі і імуналогіі[4] (адкрыты ў 1997 г.), Беларускі дзіцячы хоспіс[5], Мінская цэнтральная раённая бальніца[6] і Мінскі занальны цэнтр гігіены і эпідэміялогіі.[7] Таксама з 1995 г. працуе SOS-Дзіцячая вёска Бараўляны і размяшчаецца выканаўчая дырэкцыя грамадскага аб’яднання «SOS-Дзіцячая вёска».[8]

Іншае

Даволі часта ў бытавым ужытку з Бараўлянамі атаясамліваецца пасёлак Лясны. З імі жа ў бытавым ужытку часта некарэктна асацыюецца месцазнаходжанне РНПЦ анкалогіі і медыцынскай радыялогіі імя Аляксандрава і абласных клінічных бальніц Мінскай вобласці.

Дзейнічае Рымска-каталіцкая парафія Маці Божай успамогі хрысціян.[9]

Вядомыя асобы

• Казімір Юльянавіч Мэтэ (1905—2004) — адзін з арганізатараў Магілёўскага патрыятычнага падполля ў час Вялікай Айчыннай вайны, педагог.

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ Рашэнне выканкома Мінскага абласнога Савета народных дэпутатаў ад 9 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).
3. ↑ http://zip.belpost.by/zip_code/223053 Архівавана 29 кастрычніка 2010. Тэрыторыя, што абслугоўваецца аддзяленнем сувязі Бараўляны
4. ↑ Рэспубліканскі навукова-практычны цэнтр дзіцячай анкалогіі, гематалогіі і імуналогіі
5. ↑ http://www.hospice.by/kontaktyi/index.php Архівавана 28 верасня 2013.
6. ↑ http://www.mcrb.by/main/ Архівавана 7 верасня 2012.
7. ↑ http://www.minzchie.by/menucatabout/menumatfoundus.html
8. ↑ http://sos-kd.ht.by/index.php?option=com_content&view=article&id=63&Itemid=92(недаступная+спасылка)
9. ↑ http://baraulany.sdb.by/ Архівавана 20 красавіка 2017.

Спасылкі

• На Вікісховішчы ёсць медыяфайлы па тэме Бараўляны (Мінскі раён)