Высокая Жар

Высокая Жар (руск.: Высокая_Жарь) — вёска ў Руднянскім раёне Смаленскай вобласці Расіі. Уваходзіць у склад Чысцікоўскага сельскага паселішча. Насельніцтва — 9 жыхароў (2007). У 2013 годзе вёска вымерла. Кінутыя хаты былі разабраны ці згарэлі ў вясновых пажарах.

Размешчана ў заходняй частцы вобласці за 7 км на паўднёвы ўсход ад Рудні, за 2 км на поўнач ад аўтадарогі Р120 Арол — Віцебск. За 5 км на паўднёвы ўсход ад вёскі размешчана чыгуначная станцыя Плоская на лініі Смаленск — Віцебск. У вёску вядзе дзве дарогі - праз в. Загоціна і прамая грунтоўка ад дарогі на в. Чысцік.

Гісторыя

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.

У гады Вялікай Айчыннай вайны вёска была акупавана нямецкімі войскамі ў ліпені 1941 года, вызвалена ў кастрычніку 1943 года.[1] У 1943 годзе недалёка ад вёскі быў штаб пры наступе на г. Рудня.

Зноскі

1. ↑ Вызваленне Смаленшчыны./Энцыклапедыя Смаленскай вобласці Архівавана 27 жніўня 2016.