Вялікі Лес (Брагінскі раён)

У паняцця ёсць і іншыя значэнні, гл. Вялікі Лес.

Вялі́кі Лес[1] (трансліт.: Vialiki Lies, руск.: Великий Лес) — вёска ў Брагінскім раёне Гомельскай вобласці. Уваходзіць у склад Буркоўскага сельсавета.

Да 2009 года вёска ўваходзіла ў склад Мікуліцкага сельсавета[2].

Геаграфія

Размяшчэнне

У 17 км на паўночны захад ад Брагіна, 23 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 134 км ад Гомеля.

Транспартная сістэма

Транспартная сувязь па прасёлкавай, затым аўтадарозе Брагін — Хойнікі.

Планоўка складаецца з кароткай прасталінейнай вуліцы, блізкай да мерыдыянальнай арыентацыі. Жылыя хаты драўляныя сядзібнага тыпу.

Гісторыя

Вядомая з XIX стагоддзя ў Рэчыцкім павеце Мінскай губерні. У 1908 годзе ў Мікуліцкай воласці.

У 1930 годзе арганізаваны калгас «Чырвонае поле», працавалі вятрак (з 1927 года) і гамарня. Падчас Вялікай Айчыннай вайны ў маі 1943 года фашысты цалкам спалілі вёску і забілі 15 жыхароў. Паводле дадзеных 1959 года ў складзе калгаса «Чырвоны Кастрычнік» (цэнтр — вёска Мікулічы).

Насельніцтва

Колькасць

• 2004 год — 8 гаспадарак, 12 жыхароў.

Дынаміка

• 1850 год — 8 двароў, 50 жыхароў.
• 1897 год — 19 двароў, 124 жыхара (паводле перапісу).
• 1908 год — 49 двароў, 144 жыхара.
• 1959 год — 92 жыхара (паводле перапісу).
• 2004 год — 8 гаспадарак, 12 жыхароў.
• 2006 год (01.01.2006) — 8 гаспадарак, 12 чалавек, з якіх 0 ва ўзросце да 16 гадоў, 2 — у працаздольным і 10 — старэйшым за працаздольны.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. ↑ Решение Гомельского областного Совета депутатов от 01.12.2009 N 276 Об изменении административно-территориального устройства Брагинского района Гомельской области Архівавана 5 сакавіка 2016.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0