Відзскі раён

Ві́дзскі раён — адміністрацыйна-тэрытарыяльная адзінка ў БССР у 1940—1960 гадах. Цэнтр — гарадскі пасёлак Відзы.

Гісторыя

Відзскі раён быў утвораны 15 студзеня 1940 года ў складзе Вілейскай вобласці, на тэрыторыі Заходняй Беларусі пасля яе далучэння да БССР. Да ўтварэння раёна яго тэрыторыя была часткай Свянцянскага павета і Браслаўскага павета.

12 кастрычніка 1940 года раён быў падзелены на 11 сельсаветаў:

• Абалеўскі
• Блажышкаўскі
• Богінскі
• Далёкаўскі
• Дрысвяцкі
• Дубраўскі
• Казянскі
• Мілашкаўскі
• Расінельскі
• Сястрэнецкі
• Ярканцаўскі

20 верасня 1944 года раён быў перададзены ў склад новастворанай Полацкай вобласці, пасля яе скасавання 8 студзеня 1954 года ўвайшоў у Маладзечанскую вобласць. 16 ліпеня 1954 года былі скасаваны Дубраўскі, Мілашкаўскі і Расінельскі сельсаветы, 27 сакавіка 1959 года — Блажышкаўскі, Богінскі і Сястрэнецкі сельсаветы (тэрыторыі сельсаветаў пры скасаванні размяркоўваліся паміж іншымі сельсаветамі ў межах раёна).

20 студзеня 1960 года раён быў скасаваны, уся яго тэрыторыя ўвайшла ў склад Браслаўскага раёна. Адначасова была скасаваная і Маладзечанская вобласць, тэрыторыя былога раёна апынулася ў складзе Віцебскай вобласці.

Геаграфія

Плошча раёна складала 900 км². Станам на 1947 год у склад раёна ўваходзілі 394 населеныя пункты.

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — 537 с., [8] к.: іл. — 20 000 экз. — ISBN 5-85700-142-0.
• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.