Галынка (Вольнаўскі сельсавет)

У паняцця ёсць і іншыя значэнні, гл. Галынка.

Галы́нка[2] (трансліт.: Halynka, руск.: Голынка) — вёска ў Баранавіцкім раёне Брэсцкай вобласці. Уваходзіць у склад Вольнаўскага сельсавета. Размешчана за 25 км на паўднёвы ўсход ад Баранавіч, за 7 км ад чыгуначнай станцыі Пагарэльцы на лініі Баранавічы—Мінск.

Гісторыя

У 1897 годзе ў Чэрніхаўскай воласці Навагрудскага павета Мінскай губерні, хлебазапасны магазін.

У пачатку 20 стагоддзя адбылося стыхійнае выступленне сялян, якія самавольна секлі памешчыцкі лес. З 1921 года ў складзе Польшчы, у Чэрніхаўскай гміне Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне. З 12 кастрычніка 1940 года па 14 красавіка 1960 год цэнтр Галынкаўскага сельсавета[3].

У Вялікую Айчынную вайну з канца чэрвеня 1941 года да ліпеня 1944 года вёска акупіравана нямецка-фашысцкімі захопнікамі.

Да 1962 года вёска ўваходзіла ў склад Савіцкага сельсавета[4].

Насельніцтва

• 37 двароў, 231 жыхар (1897)
• 52 дамы, 313 жыхары (1921)
• 317 жыхароў (1939)
• 358 жыхароў (1959)
• 232 жыхары (1970)
• 77 двароў, 71 жыхар (1998)
• 31 гаспадарка, 47 жыхароў (2005)

Зноскі

1. ↑ https://map.nca.by
2. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
3. ↑ Указ Президиума Верховного Совета Белорусской ССР от 16 июля 1954 г. Об объединении сельских советов Брестской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
4. ↑ Рашэнні выканкома Брэсцкага абласнога Савета дэпутатаў працоўных ад 15 студзеня і 22 сакавіка 1962 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 19 (978).

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх