Дабраполь (Баранавіцкі раён)

У паняцця ёсць і іншыя значэнні, гл. Дабраполь.

Дабрапо́ль[1] (трансліт.: Dabrapoĺ, руск.: Доброполь) — вёска ў Баранавіцкім раёне Брэсцкай вобласці. Уваходзіць у склад Пачапаўскага сельсавета. Размешчана за 30 км на паўднёвы захад ад Баранавіч, за 4 км ад чыгуначнай станцыі Міцкевічы на лініі Баранавічы—Ліда.

Гісторыя

У пачатку 20 стагоддзя маёнтак Дабропаль у Люшнеўскай воласці Слонімскага павета Гродзенскай губерні, каля 90 жыхароў.

З 1921 года ў складзе Польшчы, фальварак Люшнеўскай гміны Слонімскага павета Навагрудскага ваяводства.

З 1939 года ў складзе БССР. У Вялікую Айчынную вайну з канца чэрвеня 1941 года да 9 ліпеня 1944 года вёска акупіравана нямецка-фашысцкімі захопнікамі.

Да 21 студзеня 1961 года вёска ўваходзіла ў склад Маўчадскага сельсавета[2].

Насельніцтва

• 8 дамоў, 53 жыхары (1921)
• 114 жыхароў (1959)
• 144 жыхары (1970)
• 23 двары, 87 жыхароў (1998)
• 36 гаспадарак, 69 жыхароў (2005)

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. ↑ Рашэнне выканкома Брэсцкага абласнога Савета дэпутатаў працоўных ад 21 студзеня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1961, № 18 (938).

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх