Дзікушкі

Дзі́кушкі[1], таксама сустракаецца варыянт Дзіку́шкі[1] (трансліт.: Dzikuški, руск.: Дикушки) — вёска ў Лідскім раёне Гродзенскай вобласці. Уваходзіць у склад Ходараўскага сельсавета.

Гісторыя

Граф Рафал Грабоўскі пабудаваў уніяцкую Праабражэнскую мураваную царкву ў вёсцы Дзікушкі. Асвечана царква была ў 1840 г. ужо як праваслаўная.

Па смерці ягонага сына Станіслава Грабоўскага (1917) частка маёмасці дасталася Мінейкам. Дзікушкамі валодаў інжынер Аляксандр Мінейка, які пабудаваў перад 1939 годам вялікі, мураваны і прыгожы дом. Сядзібны дом Мінейкі быў пабудаваны ў стылі неакласіцызму з размахам і элементамі вонкавага дэкору.

Пасля Другой сусветнай вайны на першым паверсе дома Мінейкі арганізавалі калгасную кантору, а на другім вясковы клуб і бібліятэку. Гэтак было да моманту аб’яднання калгаса «Беларусь» з ходараўскім калгасам «Прагрэс», бо пасля аб’яднання сумесная калгасная кантора пераехала ў вёску Ходараўцы. Пасля гэтага на другім паверсе яшчэ два гады працавала бібліятэка, а ўнізе, у актавай зале, калі-нікалі паказвалі кіно. Потым дом закінулі.

Славутасці

• Рэшткі Сядзібы Грабоўскіх (XVIII—XIX стагоддзі)[2]
• Спаса-Праабражэнская царква (1840)[3][4][5]
• Сядзібны дом Мінейкі (1930-я).

Зноскі

1. 1 2 Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Дзіку́шкі
2. ↑ Дзікушкі на сайце Radzima.org
3. ↑ Дзікушкі на сайце Radzima.org
4. ↑ Царква ў Дзікушках Архівавана 4 сакавіка 2016.
5. ↑ Прэабражэнская царква ў Дзікушках

Спасылкі

• На Вікісховішчы ёсць медыяфайлы па тэме Дзікушкі
• Лаўрэш Леанід. Прыход у Дзікушках // Лідскі летапісец № 1(73)-2016. C. 15-29. // на pawet.net
• Дзікушкі (Гродзенская вобласць)
• Спіс вернікаў Дзікушскай царквы, 1829 г. // Лідскі Летапісец 3(75)-2016. С. 26-40. // на pawet.net
• Лаўрэш Леанід. Неаунія ў Дзікушскай царкве Лідскага павета ў 1925 г. // Гадавік Цэнтра Беларускіх Студыяў. Варшава, 2019. № 5. С. 78-90. // на pawet.net
• Лаўрэш Леанід. Дом інжынера Мінейкі ў Дзікушках // Наша Слова. № 32 (1547), 12 жніўня 2021. // на pawet.net