Зазерка

У паняцця ёсць і іншыя значэнні, гл. Зазерка (значэнні).

За́зерка[1] (трансліт.: Zazierka, руск.: Зазерка) — аграгарадок у Пухавіцкім раёне Мінскай вобласці Беларусі. Уваходзіць у склад Пярэжырскага сельсавета.

Геаграфія

За 43 км на паўночны захад ад раённага цэнтра Мар’іна Горка, 30 км ад Мінска, 0,5 км ад чыгуначных прыпыначных пунктаў Седча і Зазерка на лініі Мінск—Асіповічы.

Гісторыя

У Другую сусветную вайну з канца чэрвеня 1941 да 4 ліпеня 1944 года акупаваная нацысцкай Германіяй. Загінула 27 мірных жыхароў.

Насельніцтва

• 1971 — 184 двары, 528 жыхароў.
• 1997 — 244 двары, 625 жыхароў.
• 1 студзеня 2002 — 221 двор, 579 жыхароў.

Вядомыя асобы

• Андрэй Піліпавіч Луцэвіч — Герой Савецкага Саюза (1944).
• Рыгор Іванавіч Сачок — беларускі вучоны ў галіне геалогіі і геаграфіі.
• Іна Васілеўна Прохарчык — беларускі вучоны. Кандыдат сельскагаспадарчых навук.
• Андрэй Піліпавіч Прохарчык — беларускі вучоны, пісьменнік. Кандыдат сельскагаспадарчых навук.
• Галіна Аляксандраўна Лапатка — кандыдат сельскагаспадарчых навук

Інфраструктура

Эканоміка

• Аддзяленне сувязі.
• Механічныя майстэрні.
• 8 крам.
• Кампанія ААТ «ЗАЗЕРКА»

Адукацыя

• Дзецячая музыкальная школа .
• Сярэдняя школа.

Культура

• Зазерская сельская бібліятэка. Сваю гісторыю бібліятэка пачала 1 кастрычніка 1968 года, аб сведчыць Загад аддзела культуры № 46. Зараз колькасць яе карыстальнікаў дасягае 450 чалавек, з іх 70- — дзеці да 15 гадоў. Агульны фонд налічвае амаль 7,4 тыс. выданняў. Штогод чытачам выдаецца амаль 7,5 тыс. экз. дакументаў. У зоне абслугоўвання бібліятэкі (2013год) знаходзяцца 6 населеных аунктах, у якіх пражываюць 1387 чалавек. Работа з чытачамі вядзецца па такіх асноўных напрамках, як распаўсюджванне краязнаўчых ведаў, прапаганда лепшых узораў беларускай і сусветнай літаратуры, экалагічнае выхаванне, папулярызацыя здаровага ладу жыцця, духоўна-маральнае, прававое і патрыятычнае выхаванне.
• Дом культуры.

Медыцына

• Ветэрынарны пункт
• Медыцынскія паслугі надае вясковая амбулаторыя. Амбулаторыя была збудавана ў 1983 годзе. Амбулаторыя разлічана на 25 тэрапеўтычных ложкаў. Колькасць абслугоўваных пацыентаў складае — 100 чалавек у змену.[2]

Чыгунка

Каля вёскі праходзіць Мінскае аддзяленне Беларускай чыгункі Мінск — Гомель. Знаходзіцца прыпыначны пункт Зазерка

Славутасці

• Помнік загінулым у гады Другой сусветнай вайны[3].

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — Т. 6. — 576 с. — 10 000 экз. — ISBN 985-11-0106-0 (т. 6)
• Памяць: Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А. Прановіч; рэдкалегія: А. М. Карлюкевіч і інш.]. — Мінск : Беларусь, 2003. — 748 с. — 3000 экз. — ISBN 985-01-0251-9

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. ↑ http://mgorka-crb.by/o-bolnice/
3. ↑ https://www.fgb.by/viewtopic.php?p=79413&highlight=&sid=d8a31b74f537e2db000a31af9828039e

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх