Зорная (Баранавіцкі раён)

У паняцця ёсць і іншыя значэнні, гл. Зорная.

Зо́рная[1] (трансліт.: Zornaja, руск.: Зорная) — былая вёска ў Баранавіцкім раёне Брэсцкай вобласці, за 7 км на захад ад цэнтру Баранавіч. Уваходзіла ў склад Навамышскага сельсавета. У 2012 годзе вёска Зорная ўвайшла ў склад горада Баранавічы[2].

Гісторыя

Раней населены пункт меў назву Муцькавічы, якая ўпамінаецца ў дакументах 1798 года.

У 1897 годзе вёска Муцькавічы ў Навамышскай воласці Навагрудскага павета Мінскай губерні, дзейнічалі хлебазапасны магазін і капліца.

На пачатку 20 стагоддзя 39 двароў, 282 жыхары.

З 1921 года ў складзе Польшчы, у Навамышскай гміне Баранавіцкага павета Навагрудскага ваяводства.

З 1939 года ў складзе БССР.

У Вялікую Айчынную вайну з канца чэрвеня 1941 года да 8 ліпеня 1944 года акупіравана нямецка-фашысцкімі захопнікамі.

У 1969 годзе в. Муцькавічы перайменавана ў Зорную.

Насельніцтва

• 21 двор, 219 жыхароў (1897)
• 43 двары, 358 жыхароў (1909)
• 36 дамоў, 187 жыхароў (1921)
• 411 жыхар (1959)
• 142 двары, 724 жыхары (1998)
• 337 гаспадарак, 964 жыхары (2005)

Памятныя мясціны

• Брацкая магіла савецкіх воінаў.

Вядомыя асобы

У 1949 годзе ў вёсцы нарадзіўся Уладзімір Сцяпанавіч Русак, праваслаўны публіцыст, даследчык гісторыі Рускай праваслаўнай царквы.

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. ↑ Указ № 306 от 9 июля 2012 г. О некоторых вопросах административно-территориального устройства г. Барановичи и Барановичского района

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• Вёска Зорная на карце
• На Вікісховішчы пакуль няма медыяфайлаў па тэме, але Вы можаце загрузіць іх