Карара

Кара́ра (па-кельцку каменяломня) — горад у італьянскай правінцыі Маса-Карара. Насельніцтва — 65,3 тыс. жыхароў (2004).

Размешчаны ў Апуанскіх Альпах (належыць рэгіёну Таскана), у 100 км на паўночны ўсход ад Фларэнцыі, за 6 км ад берага Лігурыйскага мора.

Гісторыя

Горад узнік у 1235 годзе. У розны час належаў Пізе, Генуі і Мілану, з XV стагоддзя — уладанне княжацкага сямейства Маласпіна.

Горад Карара знакаміты пакладамі белага мармуру, які здабываецца ў каменяломнях у наваколлі горада. Карарскі мармур вядомы яшчэ з антычных часоў (Рымскі Пантэон складзены з мармуру Карары). Шэраг вядомых скульптур часоў Адраджэння, у прыватнасці, «Давід» Мікеланджэла таксама выкананы з карарскага мармуру.

Эканоміка

У горадзе маюцца малаважныя прадпрыемствы хімічнай, металаапрацоўчай, нафтаперапрацоўчай прамысловасці.

Славутасці

Асноўныя славутасці горада: кафедральны сабор XII стагоддзя, палац XVI стагоддзя (цяпер у ім размешчана акадэмія вытанчаных мастацтваў). Таксама ў горадзе маецца акадэмія скульптуры, музей скульптуры і старажытнасцяў.

Гарады-пабрацімы

•  Інгальштат, Германія (2 чэрвеня 1962)
•  Аполе, Польшча (11 лістапада 2000)[1]
•  Асунсьён, Парагвай
•  Брэй[d], Ірландыя
•  Грас, Францыя
•  Ерэван, Арменія
•  Крагуевац, Сербія
•  Навельда[d], Іспанія
•  Ронэ, Данія

Зноскі

1. ↑ https://www.opole.pl/dla-mieszkanca/carrara

Спасылкі

• Афіцыйны сайт камуны Карара