Клермон-Феран

Клермон-Феран (фр.: Clermont-Ferrand, акс.: Clarmont d’Auvèrnhe) — горад і камуна на поўдні цэнтральнай часткі Францыі, галоўны горад гістарычнай вобласці Авернь і прэфектура (адміністрацыйны цэнтр) дэпартамента Пюі-дэ-Дом. Насельніцтва 139 тыс. чалавек (2008).

Геаграфія

Горад размешчаны на так званым Цэнтральным масіве, на вышыні парадку 410 м над узроўнем мора. У наваколлях шмат гор (града Пюі), у тым ліку патухлых вулканаў. Каля горада размешчаны курортны гарадок Руая (фр.: Royat). Таксама побач з Клермон-Феранам — вулканалагічны парк «Вулканія».

Гісторыя

Гэты раздзел артыкула яшчэ не напісаны. Паводле задумы аднаго з удзельнікаў Вікіпедыі, на гэтым месцы павінен размяшчацца спецыяльны раздзел. Вы можаце дапамагчы праекту, напісаўшы гэты раздзел.

Эканоміка

Транспартны вузел (скрыжаванне шэрагу аўтамабільных і чыгунак). Маецца аэрапорт.

У горадзе размешчана штаб-кватэра сусветна вядомага вытворцы шын Michelin; у горадзе размешчаны шэраг прадпрыемстваў кампаніі. Таксама маюцца прадпрыемствы машынабудаўнічай, тэкстыльнай, паліграфічнай, папяровай, хімічнай, харчовай прамысловасці.

Культурная спадчына

Самыя старыя будынкі, уключаючы сабор Нотр-Дам, складзены з каменя мясцовай вулканічнай пароды характэрнага цёмнага адцення. Да найбольш ранніх помнікаў аверньскай готыкі належыць царква Нотр-Дам-дзю-Порт. Гісторыю горада можна прасачыць у залах музея Ранке; некалькі зал распавядаюць пра жыццё самага знакамітага выхадца горада — Паскаля. Мясцовы ўніверсітэт быў адкрыты ў 1810 годзе.

З 1979 у Клермон-Феране штогод праводзіцца міжнародны фестываль кароткаметражнага кіно. Яго завуць Канамі кароткаметражнага кіно.

Гарады-пабрацімы

• Абердзін (англ.: Aberdeen), Шатландыя, Вялікабрытанія (з 1955)
• Солфард (англ.: Salford), Англія, Вялікабрытанія
• Рэгенсбург (ням.: Regensburg), Германія (з 1969)
• Гомель, Беларусь
• Аўеда (ісп.: Oviedo), Іспанія
• Норт-Квінслэнд (англ.: North Queensland), Аўстралія
• Брага (парт.: Braga), Партугалія
• Норман (англ.: Norman), Аклахома, ЗША
• Аем (фр.: Oyem), Габон

Вядомыя асобы

• Блез Паскаль (1623—1662) — філосаф, літаратар, матэматык, фізік

Зноскі

1. ↑ Populations légales 2008 de la commune de Clermont-Ferrand (фр.) . Insee. Праверана 17 чэрвеня 2011.

Літаратура

• БЭ ў 18 тамах. Т.8, Мн., 1999, С.331

Спасылкі

• На Вікісховішчы ёсць медыяфайлы па тэме Клермон-Феран