Курына

Ку́рына — вёска ў Курынскім сельсавеце Віцебскага раёна Віцебскай вобласці Беларусі. Цэнтр Курынскага сельсавета.

Геаграфія

Вёска знаходзіцца за 29 км у напрамку на паўночны ўсход ад Віцебска на правым беразе Заходняй Дзвіны на аўтадарозе Р133 (Н2301) Віцебск — Сураж. Праз вёску працякае прыток Заходняй Дзвіны рака Кастаўлянка, якая выцякае з возера Кастаўе.

Гісторыя

У пачатку XX стагоддзя ў вёсцы Курына Курынскай воласці Віцебскага павета пражывала 327 чалавек у 40 дварах. У вёсцы знаходзілася каменная царква святога Мікалая, пабудаваная ў 1824 годзе[1] (захаваліся руіны). У 1872 годзе М. Кусцінскі раскапаў каля вёскі 2 курганы[2].

У час Вялікай Айчыннай вайны вёска была спаленая нямецкімі захопнікамі.

У 1998 годзе ў вёсцы 117 двароў[3].

Насельніцтва

• XXI стагоддзе: 1998 — 317 чал.[3]
• XXI стагоддзе: 2009 — 290 чал.

Інфраструктура

У Курына філіял ААТ «Віцебскі райаграпрамсервіс», сельская бібліятэка Віцебскай РЦБС, бальніца сястрынскага догляду.

Памятныя мясціны

• Магіла Героя Савецкага Саюза М. Ф. Сільніцкага. На магіле ў 1957 годзе ўстаноўлены абеліск.
• Магіла партызана І. С. Лапікава. На магіле ў 1966 г. усталяваны абеліск.

Вядомыя асобы

• Любоў Канстанцінаўна Дукальская (1924—2004) — беларуская мастачка.

Зноскі

1. ↑ Кулагін А. М. Праваслаўныя храмы на Беларусі: Энцыклапедычны даведнік. — Мн.: БелЭн, 2001. — 3 000 экз. — ISBN 985-11-0190-7.
2. ↑ Археалагічныя даследаванні на тэрыторыі Віцебскага раёна / Падрыхт. У. І. Мезенцаў // Памяць: Гісторыка-дакументальная хроніка Віцебскага раёна / Рэдкал.: А. П. Красоўскі [і інш.]; Укл. У. І. Мезенцаў; Маст. Э. Э. Жакевіч. — Мн.: Мастацкая літаратура, 2004. — 772 с.: іл. — С. 33. — ISBN 985-02-0647-0.
3. 1 2 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта.

Літаратура

• Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1999. — Т. 9: Кулібін — Малаіта. — 560 с. — 10 000 экз. — ISBN 985-11-0155-9 (т. 9), ISBN 985-11-0035-8. — С. 56.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 23. — 72 с. — 10 000 экз. — ISBN 978-985-508-136-5.(руск.)