Лявонаўскі сельсавет

Ляво́наўскі сельсавет — былая адміністрацыйна-тэрытарыяльная адзінка ў складзе Шумілінскага раёна Віцебскай вобласці Беларусі. Цэнтр — вёска Лявонава.

Утвораны 20 жніўня 1924 года як Клётчынскі (Клятчанскі) сельсавет у складзе Ульскага раёна Полацкай акругі БССР. Цэнтр — вёска Клётчына. У 1927 годзе цэнтр сельсавета перанесены ў вёску Лявонава. Пасля скасавання акруговай сістэмы 26 ліпеня 1930 года ў Ульскім раёне БССР. З 8 ліпеня 1931 года ў складзе Сіроцінскага раёна БССР, з 20 лютага 1938 года — Віцебскай вобласці. З 9 верасня 1946 года сельсавет у складзе адноўленага Ульскага раёна. 16 ліпеня 1954 года цэнтр сельсавета перанесены ў вёску Клётчына[1]. З 17 снежня 1956 года сельсавет у складзе Сіроцінскага раёна, які 23 лістапада 1961 года перайменаваны ў Шумілінскі раён. З 25 снежня 1962 года ў складзе Полацкага раёна, з 30 ліпеня 1966 года ў складзе адноўленага Шумілінскага раёна. 26 сакавіка 1973 года цэнтр сельсавета перанесены ў вёску Лявонава, сельсавет перайменаваны ў Лявонаўскі[2]. 8 лютага 2000 года скасаваны, тэрыторыя далучана да Обальскага сельсавета.

Зноскі

1. ↑ Указ Президиума Верховного Совета БССР от 16 июля 1954 г. Об объединении сельских советов Витебской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. ↑ Рашэнне выканаўчага камітэта Віцебскага абласнога Савета дэпутатаў працоўных ад 26 сакавіка 1973 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1973, № 12 (1386).

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.