Максімы

Максімы — былая вёска ў Брэсцкім раёне Брэсцкай вобласці. Уваходзіла ў склад Чэрнінскага сельсавета. Злілася з в. Збірагі.

Гісторыя

У XIX ст. вёска ў Кобрынскім павеце Гродзенскай губерні. Уваходзіла ў склад маёнтка Збірагі, якім валодаў граф Грабоўскі. У 1870 годзе адносілася да Залескай сельскай грамады.

У 1905 годзе вёска ў Збіражскай воласці Кобрынскага павета Гродзенскай губерні.

Паводле Рыжскага мірнага дагавора 1921 года ў складзе Польшчы, уваходзіла ў Збіражскую гміну Брэсцкага павета Палескага ваяводства.

З 1939 года ў складзе БССР.

У Вялікую Айчынную вайну загінулі 6 вяскоўцаў.

4 верасня 1972 года далучана да вёскі Збірагі[1].

Насельніцтва

• XIX стагоддзе:
  • 1858 — 83 сялянскія душы.
• XX стагоддзе:
  • 1905 — 143 жыхары.
  • 30 верасня 1921 — 13 двароў, 64 жыхары.

Зноскі

1. ↑ Рашэнне выканаўчага камітэта Брэсцкага абласнога Савета дэпутатаў працоўных ад 4 верасня 1972 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1972, № 27 (1365).

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх