Маляўкі (Мінск)

У гэтага паняцця ёсць і іншыя значэнні, гл. Маляўкі. Гэты артыкул — пра вёску на тэрыторыі сучаснага Ленінскага раёна. Пра вёску на тэрыторыі сучаснага Партызанскага раёна гл. Маляўшчына (Мінск).

Маля́ўкі — колішняя вёска на левым беразе ракі Свіслач, з 1967 года ў складзе Мінска.

Гісторыя

У 1507 годзе вялікі князь Жыгімонт Стары пацвердзіў войту менскаму Абраму Езафовічу валоданне сялом Шейпічы: «А у Менскомъ повете на реце на Свислочы [село] на имя Шеипичы а Нефеда зъ сынми, а Молявъку Семенковича зъ братею…», — пазней, напэўна, імя Маляўкі стала родавым прозвішчам і дало назву дзвюм вёскам — Маляўкам і Маляўшчыне[1]. У 1557, 1596 гадах сяло Малявычы (Маляўкі), дзяржаўная ўласнасць. У 1667 годзе маёнтак Маляўкі, 10 дымоў. У 1791 годзе вёска Маляўкі маёнтка Грэбелькі Мінскай парафіі, дзяржаўная ўласнасць. У 1897 годзе засценак Сеніцкай воласці Мінскага павета, 22 двары. 144 жыхары[2].

У 1917 годзе 27 двароў, 141 жыхар. Пазней цэнтр калгаса імя ДПУ ў Прыгарадным, а пасля ў Навадворскім сельсавеце[3]. 1 снежня 1926 года ў вёсцы адкрыта школа для малаграматных[4]. У 1967 годзе ўключаная ў межы горада Мінска, Ленінскі раён. На вуліцы Маляўкі засталіся 2 дамы.

Зноскі

1. ↑ Груша А. І., с. 58—59
2. ↑ Памяць, 1998, с. 602
3. ↑ Минск : энциклопедический справочник, 1983, с. 224
4. ↑ Школы в пригородных деревнях(руск.)  // Звезда : газета. — Минск: 1926. — № 283. — С. 5.

Літаратура

• Маляўкі // Памяць: Гіст-дакум. хроніка Мінскага р-на / Гал. рэд. Беларус. Энцыкл.: Г. П. Пашкоў (гал. рэд.) і інш.. — Мінск: БелЭн, 1998. — 640 с.
• Малявки // Минск : энциклопедический справочник / Л. В. Аржаева и др.; редколлегия: И. П. Шамякин (главный редактор) и др.. — Минск: Белорусская Советская Энциклопедия, 1983. — 467 с. — 70 000 экз.
• Груша А. І. Ваколіцы Менска іх іх уладальнікі ў 30-х гадах XV — пачатку XVI ст. // Мінск і мінчане: дзесяць стагоддзяў гісторыі. Крыніцы па гісторыі горада. Сацыяльныя структуры і паўсядзённасць (да 945-годдзя Мінска) : зборнік навуковых артыкулаў / уклад. А. І. Груша ; рэдкал.: А. А. Каваленя [і інш.].. — Мінск: Беларуская навука. — С. 50—89. — 564 с. — ISBN 978-985-08-1497-5.
• Рапановіч Я. Н. Слоўнік назваў населеных пунктаў Мінскай вобласці / Рэд. П. П. Шуба. — Мінск: Навука і тэхніка, 1981. — 360 с.
• Сацукевіч І. І. Вёскі, што ўвайшлі ў склад Мінска. — nashapamiac.org.

Спасылкі

• На Вікісховішчы ёсць медыяфайлы па тэме Маляўкі (Мінск)