Манчэстэр

У гэтага паняцця ёсць і іншыя значэнні, гл. Манчэстэр (значэнні).

Ма́нчэстэр[1] (англ.: Manchester) — горад на паўночным захадзе Англіі. Нараўне з Лідсам, Шэфілдам, Ліверпулем і Лонданам Манчэстэр быў адным з цэнтраў Прамысловай рэвалюцыі. У цяперашні час Манчэстэр — буйны культурны, прамысловы, фінансавы, камерцыйны і транспартны цэнтр краіны.

Геаграфічнае становішча

Размешчаны ў заходняга схілу Пенінскіх гор, на рацэ Эруэл.

Насельніцтва

У 2006 годзе ў Манчэстэры жыло 452 000 чалавек.

Гісторыя

Упершыню Манчэстэр згадваецца ў X стагоддзі. Селішча паўстала на месцы кельцкага паселішча Мансеніён і рымскага ўмацаванага лагера Манкуніум, які быў заснаваны ў 79 годзе. У Сярэднякоўі — гандлёвае і саматужнае мястэчка. З сярэдзіны XVIII стагоддзя пачаўся хуткі рост горада ў сувязі з прамысловым пераваротам. У XIX стагоддзі горад стаў лідарам у свеце сярод цэнтраў баваўнянай прамысловасці. У 1830—1840-х гадах у Манчэстэры зарадзілася фрытрэдэрства (гэтак жа вядома як «манчэстэрства»)[2].

Спорт

• Манчэстэр Юнайтэд
• Манчэстэр Сіці

Вядомыя асобы

• Фрэнсіс Эліза Бёрнет (1849—1924) — англійская пісьменніца і драматург.

У горадзе жыў і пахаваны грамадскі дзеяч беларускай дыяспары Пётра Шыркоўскі (1925—2004).

Славутасці

• Царква абраза Маці Божай Жыровіцкай[3]
• Царква Св. Мікалая Беларускай аўтакефальнай праваслаўнай царквы[3]
• Паўднёвыя могілкі. Найбуйнейшыя муніцыпальныя могілкі ў Вялікабрытаніі і другія па велічыні ў Еўропе. Месца пахавання дзеячаў беларускай дыяспары.

Гл. таксама

• Hurts

Зноскі

1. ↑ БелЭн, 2002
2. ↑ Вялікая савецкая энцыклапедыя
3. 1 2 Манчэстэр на сайце «Беларускі Глобус Еўропы»

Літаратура

• Манчэстэр // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8.