Мачуліна

Мачу́ліна[1] (трансліт.: Mačulina, руск.: Мочулино) — вёска ў Ваўкавыскім раёне Гродзенскай вобласці. Уваходзіць у склад Краснасельскага сельсавета.

Гісторыя

Вядома з сярэдзіны XVI ст., належала князю Шчаснаму Яраслававічу Галоўчынскаму, у часы якога тут быў пабудаваны ў 1553 г. касцёл. У 1578 г. перайшла да Алендскіх. Яны перабудавалі касцёл на кальвінскі збор у канцы XVI ст. Захаваўся мясцовы тапонім Кальвінская гара. У 1958—1959 гадах цэнтр Мачулінскага сельсавета.

Памятныя мясціны

Каменны могільнік, эпоха Сярэднявечча (XV—XVII ст.). За 1 км на паўднёвы захад ад вёскі, на пагорку.

Вядомыя асобы

• Стафан Алендскі (1720—1763) — дзеяч кальвінісцкай царквы.

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Мачу́льна

Спасылкі

• На Вікісховішчы ёсць медыяфайлы па тэме Мачуліна