Натал (Рыу-Гранды-ду-Норты)

У гэтага паняцця ёсць і іншыя значэнні, гл. Натал.

Натал (парт.: Natal) — горад у Бразіліі, адміністрацыйны цэнтр і самы буйны горад штата Рыу-Гранды-ду-Норты, размяшчаецца ў паўночна-ўсходняй частцы краіны на ўзбярэжжы Атлантычнага акіяна. Натал, паводле статыстыкі арганізацыі IPEA з’яўляецца самым бяспечным адміністрацыйным цэнтрам краіны[1][2].

Гісторыя

У 20 мілях на поўнач ад Натала размяшчаецца сама блізкая кропка з Лацінскай Амерыкі да Еўропы, якую ўпершыню наведалі еўрапейскія маракі ў 1501 годзе, гэта значыць партугальская экспедыцыя пад кіраўніцтвам Амерыга Веспучы. На працягу многіх дзесяцігоддзяў пасля гэтага, ніякіх сталых еўрапейскіх паселішчаў не было ў гэтай вобласці, населенай племянем партыгуар.

У 1597 годзе пасля некалькіх гадоў рэгулярна наладжаных сувязяў французскіх піратаў пад камандваннем Жака Рыфо з карэнным насельніцтвам, партугальскі генерал-губернатар Бразіліі, Франсішку ды Соўза, выгнаў французаў з гэтага месца. 25 снежня 1599 года Натал быў заснаваны як вёска каля форта. Форт, горад і прылеглыя раёны былі заняты нідэрландскімі сіламі з 1633 па 1654 гады і вобласць была вядома як Галандская Бразілія.

Дэмаграфія

Згодна са звесткамі на ліпень 2012 года ў горадзе налічваецца 950 820 чалавек, якія пражываюць у горадзе, і 1 363 547 чалавек пражываюць у раёне сталічнай акругі.

Гарады-пабрацімы

• Віфлеем, Палесцінская аўтаномія
• Кордава, Аргенціна
• Порту-Алегры, Бразілія
• Рыа-дэ-Жанэйра, Бразілія
• Салвадор, Бразілія
• Гавана, Куба
• Лісабон, Партугалія

Зноскі

1. ↑ Population - Natal Архівавана 24 жніўня 2012.
2. ↑ Época Magazine - About Natal. Revistaepoca.globo.com.

Спасылкі

• Афіцыйны сайт