Нярэйша (Беліцкі сельсавет)

У паняцця ёсць і іншыя значэнні, гл. Нярэйша.

Нярэ́йша[1] (трансліт.: Niarejša, руск.: Нерейша) — вёска ў Сенненскім раёне Віцебскай вобласці. Уваходзіць у склад Беліцкага сельсавета.

Вёска знаходзіцца на мяжы Сенненскага і Талачынскага раёнаў Віцебскай вобласці, раней адносілася да Раснянскага сельсавета. У вёсцы Нярэйша да 70 гадоў мінулага стагоддзя знаходзілася кіраванне калгасу «Світанак». У вёсцы мелася пачатковая школа, бібліятэка, свідравіна з воданапорнай вежай, дзве фермы, свіраны з сушылкамі. З 1980-х гадоў меўся аўтобусны рух з горадам Сянно. У вёсцы было каля 30 двароў.

Гісторыя

Згадваецца ў 1666 годзе ў складзе вёсак, выдзеленых вялікім гетманам літоўскім Паўлам-Янам Сапегам з маёнтку Беліца Беліцкаму дамініканскаму кляштару[2].

Да 20 мая 1960 года вёска ўваходзіла ў склад Беліцкага сельсавета[3], да 7 жніўня 1979 года — у склад Раснянскага сельсавета[4].

Зноскі

1. ↑ Назвы населеных пунктаў Рэспублікі Беларусь: Віцебская вобласць: нарматыўны даведнік / У. М. Генкін, І. Л. Капылоў, В. П. Лемцюгова; пад рэд. В. П. Лемцюговай. — Мн.: Тэхналогія, 2009. — 668 с. ISBN 978-985-458-192-7 (DJVU).
2. ↑ НГАБ у Мінску, ф. 1731, воп. 1, спр. 34, с. 1626
3. ↑ Рашэнне выканкома Віцебскага абласнога Савета дэпутатаў працоўных ад 20 мая 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 16.
4. ↑ Рашэнне выканкома Віцебскага абласнога Савета народных дэпутатаў ад 7 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх

Артыкулу нестае спасылак на крыніцы. Змест мусіць быць правяральным або яго могуць выдаліць. Вы можаце адрэдагаваць артыкул, дадаць спасылкі на аўтарытэтныя крыніцы.