Рагнедзіна

Рагне́дзіна (руск.: Рогнедино) — пасёлак гарадскога тыпу ў Бранскай вобласці Расіі, на рацэ Габ’і. Адміністрацыйны цэнтр Рагнедзінскага раёна. Насельніцтва на 2015 год — 2980 чалавек[1].

Знаходзіцца за 96 км на паўночны захад ад Бранска, за 15 км ад чыгуначнай станцыі Дубраўка.

Гісторыя

Згодна з паданнем паселішча заснавала ў 985 годзе Рагнеда — дачка полацкага князя Рагвалода, адсюль і найменне.[2]

Упершыню згадваецца ў летапісах пад 1167 годам у сувязі са смерцю вялікага князя кіеўскага Расціслава Мсціславіча, назва дадзена па імі яго сястры, княгіні Рагнеды Мсціслаўны[3].

У XVIII стагоддзі на абшарніцкіх землях пачалі сяліцца гандляры, у мястэчку была пабудавана царква. У XIX стагоддзі сяло ў Рослаўскім павеце Смаленскай губерні, вядомае сваімі кірмашамі.

Насельніцтва

• 1869 год — 1019 чал.
• 2009 год — 3046 чал.[4]

Эканоміка

У Рагнедзіне працуе льнозавод.

Славутасці

• Царква Маці Божай Смаленскай (1842)

Зноскі

1. ↑ Ацэнка насельніцтва Бранскай вобласці 2009—2015 гг Архівавана 25 мая 2021.
2. ↑ Скандынаўская тапаніміка беларускай зямлі // Андрэй Катлярчук. Шведы ў гісторыі і культуры беларусаў. — Мінск: Энцыклапедыкс, 2002
3. ↑ Возникновение села Рогнедино Брянская область(руск.) . «Путешествие по Брянску». Праверана 30 верасня 2019.
4. ↑ Численность постоянного населения Российской Федерации по городам, посёлкам городского типа и районам на 1 января 2009 года (нявызн.) (недаступная спасылка). Архівавана з першакрыніцы 2 студзеня 2014. Праверана 1 жніўня 2020.

Спасылкі

• Рагнедзіна на сайце Radzima.org