Расвет (Смаленская вобласць)

У гэтага тапоніма ёсць і іншыя значэнні, гл. Расвет. Расвет (руск.: Рассвет) — вёска ў Руднянскім раёне Смаленскай вобласці Расіі. Уваходзіць у склад Чысцікоўскага сельскага паселішча. Насельніцтва — 3 жыхары (2007).

Геаграфія

Размешчана ў заходняй частцы вобласці за 10 км на паўднёвы ўсход ад Рудні, за 1 км на поўнач ад аўтадарогі Р120 Арол — Віцебск, на беразе ракі Лешчанка. За 3 км на поўдзень ад вёскі размешчана чыгуначная станцыя Плоскае на лініі Смаленск — Віцебск.

Гісторыя

25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.

У гады Вялікай Айчыннай вайны вёска была акупавана нямецкімі войскамі ў ліпені 1941 года, вызвалена ў кастрычніку 1943 года[1].

У 1963 годзе ўказам Прэзідыума Вярхоўнага Савета РСФСР вёска Трутні Руднянскага сельскага раёна пераназвана ў Расвет[2].

Зноскі

1. ↑ Вызваленне Смаленшчыны./Энцыклапедыя Смаленскай вобласці Архівавана 27 жніўня 2016.
2. ↑ Указ Прэзідыума Вярхоўнага Савета РСФСР ад 5 чэрвеня 1963 года «Пра пераназванне некаторых населеных пунктаў Смаленскай вобласці» // Ведамасці Вярхоўнага Савета РСФСР. — 1963. — № 23. — С. 499—500.