Стайкі (Баранавіцкі раён)

У паняцця ёсць і іншыя значэнні, гл. Стайкі.

Ста́йкі[1][2] (трансліт.: Stajki, руск.: Стайки) — вёска ў Беларусі, у Баранавіцкім раёне Брэсцкай вобласці Беларусі. Уваходзіць у склад Сталовіцкага сельсавета. Насельніцтва 551 жыхар, 219 гаспадарак (2005).

Геаграфія

Размешчана за 23 км на паўночны ўсход ад горада Баранавічы, за 16 км ад чыгуначнай станцыі Пагарэльцы на лініі Баранавічы—Мінск, за 225 км ад Брэста[3].

Гісторыя

На пачатку XX стагоддзя маёнтак у Чэрніхаўскай воласці Навагрудскага павета Мінскай губерні.

З 1921 года ў складзе Польшчы, фальварак Чэрніхаўскай гміны Баранавіцкага павета Навагрудскага ваяводства.

З 1939 года ў БССР. З 15 студзеня 1940 года ў Гарадзішчанскім раёне Баранавіцкай, з 8 студзеня 1954 года Брэсцкай абласцей, з 25 снежня 1962 года ў Баранавіцкім раёне. З 12 кастрычніка 1940 года да 16 ліпеня 1954 года цэнтр Стайкаўскага сельсавета[4].

У Вялікую Айчынную вайну з канца чэрвеня 1941 года да ліпеня 1944 года акупіраваны нямецка-фашысцкімі захопнікамі. На франтах вайны загінула 35 вяскоўцаў.

Да Стаек далучаны суседнія вёскі Ламаты, Зараўе, Некрашы.

З 16 ліпеня 1954 года да 14 красавіка 1960 года вёска ўваходзіла ў склад Вольнаўскага сельсавета[5], да 26 чэрвеня 2013 года — у склад Мядзеневіцкага сельсавета[6].

Інфраструктура

Працуюць калгасная сядзіба, майстэрні па рамонце сельскагаспадарчай тэхнікі, ветэрынарны ўчастак, сярэдняя школа, бібліятэка, клуб, фельчарска-акушэрскі пункт, магазін.

Насельніцтва

• XX стагоддзе:
  • 1909 — 4 двары, 45 жыхароў.
  • 1921 — 7 дамоў, 90 жыхароў.
  • 1939 — 1139 жыхароў.
  • 1959 — 938 жыхароў.
  • 1970 — 711 жыхароў.
  • 1998 — 299 двароў, 580 жыхароў.
• XXI стагоддзе:
  • 2001 — 526 жыхароў, 235 двароў[3].
  • 2005 — 551 жыхар, 219 гаспадарак.

Помнікі гісторыі і культуры

• Палацава-паркавы комплекс Лашкевічаў.
• Помнік землякам, загінуўшым у Вялікую Айчынную вайну[3].

Ураджэнцы

• Дзмітрый Арцыменя (1932—1993) — савецкі і беларускі партыйны і палітычны дзеяч

Зноскі

1. ↑ Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. ↑ Госкартгеоцентр Архівавана 5 сакавіка 2016.
3. 1 2 3 БелЭн, 2002
4. ↑ Указ Президиума Верховного Совета Белорусской ССР от 16 июля 1954 г. Об объединении сельских советов Брестской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
5. ↑ Рашэнне выканкома Брэсцкага абласнога Савета дэпутатаў працоўных ад 14 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
6. ↑ РЕШЕНИЕ БРЕСТСКОГО ОБЛАСТНОГО СОВЕТА ДЕПУТАТОВ 26 июня 2013 г. № 286 Об изменениях в административно- территориальном устройстве Барановичского района Брестской области

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.
• Стайкі // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2002. — Т. 15: Следавікі — Трыо. — С. 129. — 552 с. — 10 000 экз. — ISBN 985-11-0251-2 (т. 15), ISBN 985-11-0035-8.

Спасылкі

	Стайкі (Баранавіцкі раён) на Вікісховішчы

• Стайкі на Радзіме.орг
• Стайкі, Intex-press