Азарыцкі раён

Аза́рыцкі раё́н — адміністрацыйна-тэрытарыяльная адзінка ў БССР у 1924—1931 гадах. Цэнтр — вёска Азарычы.

Утвораны 17 ліпеня 1924 года ў складзе Мазырскай акругі БССР. 20 жніўня 1924 года падзелены на 13 сельсаветаў: Азарыцкі, Валосавіцкі, Грабаўскі, Давыдаўскі (Слабададавыдаўскі), Кабыльшчынскі, Каранёўскі, Карпавіцкі, Крукавіцкі, Навасёлкаўскі, Савіцкі, Хаміцкі, Яланскі, Яўтушкавіцкі. 8 кастрычніка 1924 года скасаваны Яланскі сельсавет. 24 верасня 1926 года Азарыцкі і Давыдаўскі (Слабададавыдаўскі) сельсаветы рэарганізаваны ў нацыянальныя яўрэйскія сельсаветы. 5 кастрычніка 1926 года Яўтушкавіцкі сельсавет перайменаваны ў Людзвінаўскі, Карпавіцкі — у Асташкавіцкі, Каранёўскі — у Мартынавіцкі. 5 верасня 1929 года Грабаўскі сельсавет перайменаваны ў Ламавіцкі. У 1930 годзе ўтвораны Халмянскі сельсавет. 8 ліпеня 1931 года раён скасаваны: Валосавіцкі, Кабыльшчынскі, Ламавіцкі, Людзвінаўскі сельсаветы перададзены Парыцкаму раёну; Асташкавіцкі, Крукавіцкі, Мартынавіцкі, Навасёлкаўскі, Савіцкі, Халмянскі, Хаміцкі сельсаветы — Мазырскаму раёну. 25 ліпеня 1931 года Давыдаўскі (Слабададавыдаўскі) нацыянальны яўрэйскі сельсавет перададзены Парыцкаму раёну, а Азарыцкі нацыянальны яўрэйскі сельсавет — Мазырскаму раёну.

Зноскі

1. ↑ GeoNames — 2005. Праверана 9 ліпеня 2017.

Літаратура

• Административно-территориальное устройство БССР: справочник: в 2 т. / А.И. Карпачева и др. / Главное архивное управление при Совете Министров БССР, Институт философии и права Академии наук БССР. — Т. 1: (1917―1941 гг.). — Мн., «Беларусь», 1985. — 390 с.
• Озаричский район // Белорусская ССР: Краткая энциклопедия. В 5-ти т. Т. 1 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 1. — С. 445. — 768 с. — 50 000 экз.(руск.)