Бакуны (Брагінскі раён)

У паняцця ёсць і іншыя значэнні, гл. Бакуны. Бакуны́[1] (трансліт.: Bakuny, руск.: Бакуны) — вёска ў Брагінскім раёне Гомельскай вобласці. Уваходзіць у склад Буркоўскага сельсавета.

Геаграфія

Размяшчэнне

У 12 км на захад ад Брагіна, 23 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 121 км ад Гомелю. 62 гаспадаркі, 116 жыхароў (2004 год).

Транспартная сістэма

Транспартныя сувязі па прасёлкавай, затым аўтадарозе Брагін — Хойнікі.

Планоўка складаецца з 2 прасталінейных, паралельных вуліц, арыентаваных з паўднёвага ўсходу на паўночны захад, забудаваных пераважна двухбакова драўлянымі хатамі сядзібнага тыпу.

Гісторыя

Паводле пісьмовых крыніц вядомая з XIX стагоддзя як вёска ў Рэчыцкім павеце Мінскай губерні. У 1850 годзе валоданне графіні Ракіцкай. Паводле перапісу 1897 года ў Мікуліцкай воласці.

З 8 снежня 1926 года па 30 снежня 1927 года цэнтр Бакуноўскага сельсавета. У 1931 годзе арганізаваны калгас. У 1959 годзе ў складзе калгаса «Чырвоная ніва» (цэнтр — вёска Буркі).

Насельніцтва

Колькасць

• 2004 год — 62 двары, 116 жыхароў.

Дынаміка

• 1850 год — 18 двароў, 102 жыхара
• 1897 год — 46 двароў, 276 жыхароў (паводле перапісу).
• 1908 год — 118 двароў, 291 жыхар.
• 1930 год — 491 жыхар.
• 1959 год — 512 жыхароў (паводле перапісу).
• 2004 год — 62 двары, 116 жыхароў.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх