Вялікі Мох (Буда-Кашалёўскі раён)

У паняцця ёсць і іншыя значэнні, гл. Вялікі Мох.

Вялі́кі Мох[1] (трансліт.: Vialiki Moch, руск.: Великий Мох) — пасёлак у Буда-Кашалёўскім раёне Гомельскай вобласці. Уваходзіць у склад Кашалёўскага сельсавета.

На поўдні мяжуе з лесам.

Геаграфія

Размяшчэнне

У 1 км на ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 49 км ад Гомеля.

Транспартная сетка

Транспартныя сувязі па прасёлкавай, затым аўтамабільнай дарозе Гомель — Жлобін.

Забудова двухбаковая, драўлянымі дамамі сядзібнага тыпу.

Гісторыя

Заснавана напачатку XX стагоддзя перасяленцамі з суседніх вёсак. У 1930 годзе жыхары вёскі ўступілі ў калгас. У 1959 годзе ў складзе саўгаса імя П. Я. Галавачова (цэнтр — вёска Кашалёва).

Насельніцтва

Колькасць

• 2004 год — 65 гаспадарак, 122 жыхара.

Дынаміка

• 1959 год — 150 жыхароў (паводле перапісу).
• 2004 год — 65 гаспадарак, 122 жыхара.

Вядомыя асобы

• Таццяна Аляксандраўна Атрошанка (нар. 1976) — беларускі паэт, празаік, кампазітар, спявачка.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0