Вількаўшчына

У гэтага паняцця ёсць і іншыя значэнні, гл. Вілкаўшчына. Ві́лькаўшчына (часам Ві́лкаўшчына) — колішняя вёска, з 1959 года ў складзе Мінска.

Гісторыя

Узнікла ў пачатку XX стагоддзя. З 1924 года ў Навадворскім сельсавеце Самахвалавіцкага раёна, з 1931 года ў адміністрацыйным падпарадкаванні Менскага гарсавета, з 1934 года ў Менскім раёне[1]. У канцы 1940-х гадоў складалася з некалькіх двароў[2]. Верагодна, некаторыя жыхары вёскі працавалі на цагельным заводзе № 4, які месціўся паблізу (цяпер на яго месцы завод «Керамін»)[3]. У 1959 годзе ўключаная ў межы горада Мінска, Заводскі раён[1].

Пасля далучэння да горада адна з вясковых вуліц атрымала назву Вілкоўшчына, другая была названая ў гонар Марата Казея. У 1970-я — 1980-я гады вёска аказалася заціснутай паміж чыгункай Мінск-Асіповічы, «Керамінам» і новай прамысловай зонай вуліцы Сцебянёва, не мела нават асобнага пад’езду ад іншых гарадскіх дарог[4]. У пачатку 2000-х быў пабудаваны новы цэх завода «Керамін», вакол якога склалася зона забароненая для пражывання, таму вёска была знесеная. У 2006 годзе ў вёсцы заставаўся адзін дом па вуліцы Вілкоўшчына, 7, уладальнік якога адмаўляўся перасяляцца ў гарадскую кватэру[4]. Апошні дом быў знесены ў 2007 годзе[5].

Рашэннем Мінскага гарадскога савета дэпутатаў ад 13 верасня 2016 года скверу ў межах вуліц Іосіфа Гашкевіча, Уладзіслава Сыракомлі, Янкі Лучыны прысвоенае найменне «сквер Вілкаўшчына»[6].

• Рэшткі вёскі Вількаўшчына, 2010-я гады
• 
• 

Зноскі

1. 1 2 Минск : энциклопедический справочник, 1983, с. 121
2. ↑ Сацукевіч І. І., с. 1
3. ↑ Сацукевіч І. І., с. 1—2
4. 1 2 Сацукевіч І. І., с. 2
5. ↑ Была Сакалянка, Лошыца, Дражня, але часу ўсё няважна…(нявызн.) (недаступная спасылка). pristalica.by. Архівавана з першакрыніцы 29 красавіка 2018.
6. ↑ Рашэнне ад 13 верасня 2016 г. № 230 18-й сесіі савета 27-га склікання(нявызн.). mk.by (26 кастрычніка 2016). Праверана 28 траўня 2017.

Літаратура

• Вильковщина // Минск : энциклопедический справочник / Л. В. Аржаева и др.; редколлегия: И. П. Шамякин (главный редактор) и др.. — Минск: Белорусская Советская Энциклопедия, 1983. — С. 295. — 467 с. — 70 000 экз.
• Рапановіч Я. Н. Слоўнік назваў населеных пунктаў Мінскай вобласці / Рэд. П. П. Шуба. — Мінск: Навука і тэхніка, 1981. — 360 с.
• Сацукевіч І. І. Вёскі, што ўвайшлі ў склад Мінска. — nashapamiac.org.

Спасылкі

• На Вікісховішчы ёсць медыяфайлы па тэме Вількаўшчына
• vojik u tumane Вёска Вілкаўшчына(нявызн.). livejournal.com (2 жніўня 2008). Архівавана з першакрыніцы 28 мая 2017. Праверана 28 траўня 2017.
• Валяр’ян Шкленік Вуліца-прывід(нявызн.). zviazda.by (16 студзеня 2014). Архівавана з першакрыніцы 28 мая 2017. Праверана 28 траўня 2017.