Грачухі

Грачу́хі[1] (трансліт.: Hračuchi, руск.: Гречухи) — вёска ў Жлобінскім раёне Гомельскай вобласці. Уваходзіць у склад Луцкага сельсавета. Насельніцтва 7 чал. (2004). Знаходзіцца за 23 км на паўночны захад ад горад Жлобін, за 9 км ад чыгуначнай станцыі Красны Бераг (лінія Бабруйск — Жлобін), за 116 км ад Гомеля.

Гісторыя

Заснаваная ў пачатку XX стагоддзя перасяленцамі з суседніх вёсак. У 1931 годзе жыхары ўступілі ў калгас. Падчас Вялікай Айчыннай вайны акупанты спалілі 16 двароў і забілі 4 жыхароў. 6 жыхароў загінулі на фронце. Да 30 красавіка 1948 года вёска ўваходзіла ў склад Краснабярэжскага сельсавета[2]. Паводле перапісу 1959 года ў складзе саўгасу «Рактнянскі» (цэнтр — вёска Рэкта). Да 21 верасня 1992 года вёска ўваходзіла ў склад Ракцянскага сельсавета.

Насельніцтва

• XX стагоддзе: 1925 — 23 двары; 1940 — 98 жыхароў; 1959 — 97 жыхароў (паводле перапісу)
• XXI стагоддзе: 2004 — 5 гаспадарак, 7 жыхароў[3]

Вядомыя выхадцы

• П. А. Странакоў — Герой Савецкага Саюза[4].

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
2. ↑ Указ Президиума Верховного Совета Белорусской ССР от 30 апреля 1948 г. О разукрупнении Луковского сельского Совета, Жлобинского района, Гомельской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
3. ↑ Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004.
4. ↑ Пракоп Авяр’янавіч Странакоў на сайце «Героі краіны» (руск.)

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. — 632 с.: іл. ISBN 985-11-0303-9.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх