Гюмры

Гюмры (арм.: Գյումրի, да 1840 г. — Кумайры, у 1840—1924 — Александропаль, у 1924—1991 — Ленінакан) — другі па велічыні горад у Арменіі, размешчаны за 126 км ад Ерэвана, на Шыракскім плато, на ўсход ад ракі Ахуран. Цэнтр марза Шырак.

Геаграфія

Сучасны Гюмры, які захаваў у сабе рысы старажытнага горада, размешчаны на вышыні 1550 метраў над узроўнем мора, у паўночна-заходняй частцы Арменіі. Знаходзіцца ў 8—9 бальнай сейсмічнай зоне. Гюмры перасякаецца цяснінамі Чэркез, Джаджур і інш.

Рэльеф раўнінны, пакрыты азёрамі, рэкамі і лававымі масівамі магутнасцю ў 350 метраў. Расліннасць стэпавая. У рачных далінах растуць акацыя, клён, ясень і інш

Клімат засушлівы. Зімой бываюць моцныя маразы да -41 градуса па Цэльсіі. Летам параўнальна горача: да 36. На працягу года выпадае трохі ападкаў (у сярэднім 500 мм). Паветра адрозніваецца гаючымі ўласцівасцямі. На працягу года Гюмры атрымлівае каля 2500 гадзін сонечнага святла і цяпла.

Наваколлі Гюмры багатыя будаўнічымі матэрыяламі — туфам, базальтам, дыятамітамі, глінай, а таксама ўрадлівымі чарназёмнымі глебамі.

Па прамой лініі ад Гюмры да Чорнага мора — 196 км, да Каспійскага — 384 км.

Гарады-пабрацімы

• Александрыя, ЗША
• Салонікі, Грэцыя
• Нарда, Італія
• Крэтэй, Францыя
• Маздок, Расія
• Дамадзедава[2], Расія
• Азаску, Бразілія
• Плоўдзіў, Балгарыя
• Пітэшты, Румынія
• Эшфілд(англ.) бел., Вялікабрытанія
• Кордава, Аргенціна
• Лаваль (Квебек), Канада
• Беласток, Польшча
• Сіянь, Кітай

Выбітныя асобы

• Юрый Нарайравіч Варданян
• Сяргей Мікалаевіч Мартынаў — Міністр замежных спраў Рэспублікі Беларусь
• Валянцін Піліпавіч Ждановіч (1907—1975) — беларускі архітэктар.

Славутасці

• Станцыя Гюмры

Зноскі

1. ↑ 34,4% населения Армении живет в Ереване
2. ↑ Армянскі Гюмры і Дамадзедава падпісалі мемарандум пра супрацоўніцтва (нявызн.).

Спасылкі

• На Вікісховішчы ёсць медыяфайлы па тэме Гюмры