Дуброва (Брагінскі раён)

У паняцця ёсць і іншыя значэнні, гл. Дуброва.

Дубро́ва — былая вёска ў Малажынскім сельсавеце Брагінскага раёна Гомельскай вобласці Беларусі.

Пасля катастрофы на Чарнобыльскай АЭС і радыяцыйнага забруджання жыхары пераселены ў чыстыя месцы. У 2005 годзе вёска была выключана са звестак па ўліку населеных пунктаў[1].

Геаграфія

Размяшчэнне

За 20 км на ўсход ад Брагіна, 46 км ад чыгуначнай станцыі Хойнікі (на галінцы Васілевічы — Хойнікі ад лініі Калінкавічы — Гомель), 137 км ад Гомеля.

Водная сістэма

На захадзе меліярацыйныя каналы.

Транспартная сістэма

Транспартныя сувязі па прасёлкавай, затым аўтадарозе Камарын — Брагін.

Планіроўка складаецца з 2 кароткіх вуліц, блізкай да шыротнай арыентацыі. Забудова драўлянымі хатамі сядзібнага тыпу.

Гісторыя

Па пісьмовых крыніцах вядомая з XIX ст. як вёска ў Рэчыцкім павеце Мінскай губерні.

У 1931 годзе арганізаваны калгас «Чырвоны рог», працавала гамарня. У 1940 годзе. Падчас Вялікай Айчыннай вайны ў верасні 1943 года фашысты цалкам спалілі вёску і забілі 1 жыхара. У 1959 годзе ўваходзіла ў склад калгаса «XVIII партз’езд» (цэнтр — вёска Крыўча).

Насельніцтва

Колькасць

• 2004 год — жыхароў няма.

Дынаміка

• 1850 год — 22 двары, 153 жыхара.
• 1908 год — 30 двароў, 181 жыхар.
• 1940 год — 41 двор.
• 1959 год — 172 жыхара (паводле перапісу).
• 1980-я — жыхары пераселены.

Зноскі

1. ↑ Решение Гомельского областного исполнительного комитета от 17 ноября 2005 г. № 793 Об исключении из данных по учету и регистрации административно-территориальных и территориальных единиц населенных пунктов Брагинского, Ветковского, Ельского и Хойникского районов

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0