Ершыцкі раён

Е́ршыцкі раён (руск.: Ершичский район) — адміністрацыйна-тэрытарыяльная адзінка ў паўднёвай частцы Смаленскай вобласці Расіі. Адміністрацыйны цэнтр — сяло Ершычы.

Геаграфія

Плошча раёна — 1039 км². Тэрытарыяльна раён мяжуе: з Шумяцкім раёнам на паўночным захадзе, Рослаўльскім раёнам на паўночным усходзе, Бранскай вобласцю на поўдні і ўсходзе і Беларуссю на захадзе.

На тэрыторыі раёна знаходзіцца крайні паўднёвы пункт вобласці — за 5 км на поўдзень ад вёскі Пятроўка Руханскага сельскага паселішча (53°24′49″ пн. ш. 32°47′06″ у. д. HGЯO).

Гісторыя

Утвораны ў 1929 годзе на тэрыторыі часткі Рослаўльскага павета Смаленскай губерні. Расфарміраваны ў 1932 годзе, тэрыторыя перададзеная Рослаўльскаму і Клятнянскаму раёнам. Ізноў арганізаваны ў 1935 годзе. У 1963 годзе далучаны да Шумяцкага раёна. У існым выглядзе канчаткова ўтвораны ў 1972 годзе.

Дэмаграфія

Колькасць насельніцтва на 2008 год — 8052 чал.

Адміністрацыйна-тэрытарыяльны падзел

У раёне маецца 9 сельскіх паселішчаў:

Сельскія паселішчы

• Воргінскае сельскае паселішча
• Ершыцкае сельскае паселішча
• Кузьміцкае сельскае паселішча
• Руханскае сельскае паселішча

Эканоміка

Найбольш значныя галіны прамысловай вытворчасці — апрацоўка драўніны, вытворчасць харчовых прадуктаў, тэкстыльная і швацкая вытворчасць. Лідар у апрацоўчай вытворчасці — філіял ТАА «Шклозавод Ворга».

Транспарт

Злучэнне з абласным цэнтрам ажыццяўляецца па аўтамагістралях праз г. Рослаўль. Найбліжэйшая чыгуначная станцыя Понятоўка знаходзіцца за 25 км ад с. Ершычы на чыгуначнай лініі Масква — Магілёў.

Славутасці

Асноўны артыкул: Спіс аб’ектаў культурнай спадчыны Ершыцкага раёна

• Царква Нараджэння Божай Маці ў в. Корсікі
• Царква Ушэсця Гасподняга ў в. Кузьмічы

Зноскі

1. ↑ АКТМУ Праверана 13 сакавіка 2015.
2. ↑ http://sml.gks.ru/wps/wcm/connect/rosstat_ts/sml/resources/b99191804c580aacbb84bf052efb10e3/MO18.pdf
3. ↑ 26. Численность постоянного населения Российской Федерации по муниципальным образованиям на 1 января 2018 года — Federal State Statistics Service. Праверана 23 студзеня 2019.

Спасылкі

• На Вікісховішчы ёсць медыяфайлы па тэме Ершыцкі раён
• Ершыцкі раён на Radzima.org