Зарэчча (Акцябрскі раён)

У паняцця ёсць і іншыя значэнні, гл. Зарэчча.

Зарэ́чча[2] (трансліт.: Zarečča, руск.: Заречье) — вёска ў Акцябрскім раёне Гомельскай вобласці. Уваходзіць у склад Краснаслабодскага сельсавета.

Геаграфія

Размяшчэнне

У 24 км на паўднёвы захад ад гарадскога пасёлка Акцябрскі, 232 км ад Гомеля, 25 км ад чыгуначнай станцыі Рабкор, размешчанай на чыгунцы Бабруйск — Рабкор, адгалінаванні лініі Асіповічы — Жлобін.

Гідраграфія

На рацэ Арэса (прыток ракі Пціч).

Экалогія і прырода

На поўдні і ўсходзе мяжуе з лесам.

Транспартная сетка

Побач аўтадарога Чырвоная Слабада — Навасёлкі.

Інфармацыя

Забудова драўлянымі сялянскімі сядзібамі — уздоўж дарогі.

Гісторыя

Па пісьмовых крыніцах вядомая з XVIII стагоддзя як вёска ў Мінскім ваяводстве Вялікага княства Літоўскага. Пасля другога падзелу Рэчы Паспалітай (1793 год) у складзе Расійскай імперыі. З пачатку XIX стагоддзя ў складзе маёнтка Дуброва Нястанавіцкай сельскай грамады. Па стану на 1870 год — у Чэрнінскай воласці Бабруйскага павета Мінскай губерні.

У 1930 годзе жыхары ўступілі ў калгас.

Насельніцтва

Колькасць

• 2011 год — 6 двароў, 9 жыхароў.

Дынаміка

• 1795 год — 5 двароў.
• 1858 год — 20 двароў, 154 жыхары.
• 1959 год — 29 жыхароў (паводле перапісу).
• 1997 год — 8 двароў, 15 жыхароў.
• 2004 год — 7 двароў, 9 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0
• Памяць: Гiсторыка-дакументальная хронiка Акцябрскага раёна. — Мн.: БЕЛТА, 1997.

Зноскі

1. ↑ Дадзеныя сельсавета на 1 студзеня 2011 года
2. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх