Любанскі сельсавет (Вілейскі раён)

У гэтага паняцця ёсць і іншыя значэнні, гл. Любанскі сельсавет.

Лю́банскі сельсавет — адміністрацыйна-тэрытарыяльная адзінка ў складзе Вілейскага раёна Мінскай вобласці Беларусі. Цэнтр — аграгарадок Любань.

Гісторыя

Утвораны 12 кастрычніка 1940 года як Каловіцкі сельсавет у складзе Куранецкага раёна Вілейскай вобласці БССР. Цэнтр — вёска Каловічы. З 20 верасня 1944 года ў складзе Маладзечанскай вобласці. З 5 ліпеня 1946 года ў складзе Вілейскага раёна. З 20 студзеня 1960 года ў складзе Мінскай вобласці. 28 ліпеня 1980 года цэнтр сельсавета перанесены ў вёску Любань, сельсавет перайменаваны ў Любанскі. 13 красавіка 1981 года да сельсавета далучана тэрыторыя скасаванага Журыхскага сельсавета. 28 мая 2013 года частка вёскі Порса ўключана ў склад Вілейкі[1].

Насельніцтва

Насельніцтва сельсавета паводле перапісу 2009 года — 2730 чалавек[2], з іх 95,2 % — беларусы, 3,3 % — рускія, 0,9 % — украінцы[3].

Склад

Любанскі сельсавет уключае ў сябе 32 населеныя пункты:

• Більцавічы — вёска.
• Будкі — вёска.
• Бутрымава — вёска.
• Даўбарова — вёска.
• Дзядзічы — вёска.
• Жаўткі — вёска.
• Жарсцвянка — вёска.
• Журыхі — вёска.
• Заазер’е — вёска.
• Казаны — вёска.
• Карвелі — вёска.
• Каловічы — вёска.
• Кароткія — вёска.
• Красны Бераг — вёска.
• Кузьмічы — вёска.
• Кульшыно — вёска.
• Ляскі — вёска.
• Любань — аграгарадок.
• Любоўшы — вёска.
• Навікі — вёска.
• Новыя Зімодры — вёска.
• Астравы — вёска.
• Порса — вёска.
• Сіўцы — вёска.
• Снежкава — вёска.
• Сцебяракі — вёска.
• Студзёнкі — вёска.
• Сухары — вёска.
• Талуць — вёска.
• Тураўшчына — вёска.
• Цна — вёска.
• Цынцавічы — вёска.

Вядомыя асобы

• Андрэй Валынец — Герой Савецкага Саюза, удзельнік камуністычнага падполля Заходняй Беларусі.
• Міхаіл Казінец — беларускі дырыжор, народны артыст Беларусі (1987).
• Іван Кандрацьеў — рускі паэт, празаік, драматург, педагог (1849—1904).
• Яўген Мірановіч (7.11.1917-25.1.1980), гаспадарчы дзеяч, Герой Сацыялістычнай Працы, заслужаны аграном БССР.
• Ганна Новік — беларуская паэтэса, дзеяч падпольнага беларускага руху ў Польшчы (1914—1997).[4][5][6][7].
• Нікадзім Сілівановіч — беларускі і расійскі мастак, акадэмік Пецярбургскай акадэміі мастацтваў.

Зноскі

1. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.
2. ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
3. ↑ Этнічны склад насельніцтва сельсаветаў Беларусі паводле перапісу 2009 года
4. ↑ «Новік Ганна, біяграфія»
5. ↑ «Восеньскі роздум Ганны Новік» Архівавана 5 сакавіка 2016.
6. ↑ «З любоўю да людзей» Архівавана 5 сакавіка 2016.
7. ↑ «Рэгіянальная газета», № 12 (465), 12 сакавіка 2004

Літаратура

• Вилейский район // Туристская энциклопедия Беларуси / редкол. Г. П. Пашков [и др.]; под общ. ред. И. И. Пирожника. — Мн.: Беларуская Энцыклапедыя, 2007. — 648 с. ISBN 978-985-11-0384-9
• Памяць. Вілейскі раён. // . — Мн.: БелТА., 2003. — 704 с. — (Гісторыка-дакументальныя хронікі гарадоў і раёнаў Беларусі.). — 3 000 экз. — ISBN 985-6302-56-0.
• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

Спасылкі

• Помнік земляку, аўтару бессмяротнай песні «По диким степям Забайкалья», адкрылі сёння пад Вілейкай Архівавана 7 ліпеня 2015. // Рэгіянальная газета