Мокрыца

Мо́крыца[1] (трансліт.: Mokryca, руск.: Мокрица) — вёска ў Мядзельскім раёне Мінскай вобласці. Уваходзіць у склад Занарацкага сельсавета.

Гісторыя

• 1766 год — на месцы вёскі знаходзілася сяло маёнтка Мокрыца Ашмянскага павета Віленскае ваяводства.
• 1868 год — з’яўлялася маёнткам і вёскай Свянцянскага павета Віленскай губерні, налічвала 191 жыхара.
• У 1885 годзе ў маёнтку працавала вінакурня.
• 1904 год — вёска і маёнтак знаходзілася ў складзе Занарацкай воласці Свянцянскага павета. У вёсцы пражывалі 243 жыхары, размяшчалася царкоўнапрыходская школа, дзе ў 1896/97 навучальным годзе навучаліся 11 хлопчыкаў. У маёнтку пражывалі 27 жыхароў.
• 1908 год — вёска налічвае 45 двароў, насельніцтва складае 201 жыхара.
• З 18 па 28 сакавіка 1916 года падчас Першай сусветнай вайны ў раёне вёскі праходзілі баі Нарачанскай аперацыі.
• 12 кастрычніка 1940 года вёска ўвайшла ў склад Занарацкага сельсавета Мядзельскага раёна Вілейскай вобласці (з 20 верасня 1944 года — Маладзечанскай). У 1940 вёска налічвала 52 двары і 217 жыхароў.
• У верасні 1943 года падчас Вялікай Айчыннай вайны нямецка-фашысцкія захопнікі цалкам спалілі вёску (52 двары) і забілі 3 жыхароў. Пасля вайны вёска была адноўлена.
• 1948 год — створаны калгас «Герой».
• 20 студзеня 1960 года вёска ўвайшла ў склад Мінскай вобласці.
• У 1960 годзе насельніцтва вёскі складала 200 жыхароў.
• З 1973 года вёска знаходзіцца ў складзе калгаса «Шлях да камунізму» з цэнтрам у вёсцы Занарач.
• Па стане на 1 студзеня 1997 года вёска налічвала 45 двароў і 94 жыхароў.

На 30 лістапада 2007 г. вёска налічвала 74 жыхароў[2].

Інфраструктура

У вёсцы размяшчаюцца крама і жывёлагадоўчая ферма.

Славутасці

• Сядзіба.

Зноскі

1. ↑ Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Мо́крыцы, мн.
2. ↑ Занарочский сельсовет. Местная повестка на XXI век. / авторы составители Наранович М. Г., Сивограков О. В., Минск: ОДО «Новапринт», 2007. ISBN 985-6745-86-1

Літаратура

• Памяць: Гісторыка-дакументальная хроніка Мядзельскага раёна. Мінск, «Беларуская Энцыклапедыя» імя Петруся Броўкі, 1998. ISBN 985-11-0107-9

Спасылкі

• На Вікісховішчы ёсць медыяфайлы па тэме Мокрыца
• Мокрыца на сайце Глобус Беларусі (руск.)