Морына

Мо́рына[1] (трансліт.: Moryna, руск.: Морино) — аграгарадок у Беларусі, у Іўеўскім раёне Гродзенскай вобласці. Уваходзіць у склад Іўеўскага сельсавета.

Геаграфія

Знаходзіцца за 10 км у напрамку на паўднёвы захад ад горада Іўе, за 148 км ад Гродна, за 19 км ад чыгуначнай станцыі Гаўя, каля ракі Нёман[2].

Гісторыя

У канцы XIV стагоддзя навагрудскі князь Карыбут Альгердавіч даў Морына з возерам Лаўрышаўскаму манастыру.

У XVII стагоддзі ў Ашмянскім павеце Віленскага ваяводства. У 1739 годзе ў Іўеўскай парафіі, уласнасць памешчыка Навасельскага. У XIX — пачатку ХХ стагоддзяў вёска ва Уселюбскай вобласці Навагрудскага павета Мінскай губерні.

Да 2017 года Морына было цэнтрам Морынскага сельсавета[3].

Насельніцтва

• 1885 год — 660 жыхароў, 57 двароў.
• 1897 год — 854 жыхары, 133 двары.
• 1921—1939 гады — 671 жыхар, 130 двароў.
• 1970 год — 945 жыхароў.
• 1999 год — 524 жыхары, 253 двары[2].

Славутасці

• Свята-Троіцкая царква (1865)

Каля аграгарадка знаходзіцца стаянка эпохі мезаліту (VIII—V тысячагоддзі да н.э.)[2].

Зноскі

1. ↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).
2. 1 2 3 Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары.
3. ↑ «О некоторых вопросах административно-территориального устройства Ивьевского района Гродненской области». Решение Гродненского областного Совета депутатов от 18 апреля 2017 г. №245(руск.)  (недаступная спасылка). Архівавана з першакрыніцы 9 мая 2021. Праверана 9 ліпеня 2017.

Літаратура

• Морына // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 10: Малайзія — Мугаджары. — С. 523. — 544 с. — 10 000 экз. — ISBN 985-11-0169-9 (т. 10), ISBN 985-11-0035-8.

Спасылкі

• На Вікісховішчы ёсць медыяфайлы па тэме Морына