Ржэў

Ржэў (руск.: Ржев) — горад (з 1216) у Расіі, адміністрацыйны цэнтр Ржэўскага раёна Цвярской вобласці (у склад раёна не ўваходзіць). «Горад воінскай славы» (2007), узнагароджаны ордэнам Айчыннай вайны I ступені (1978). Насельніцтва 60141 чалавек (2010), плошча горада — 56,17 км². Горад размешчаны на абодвух берагах Волгі, з’яўляецца першым па цячэнні горадам на Волзе (знаходзіцца за 200 км ад яе вытока), за 130 км ад Цверы.

Ржэў — буйны транспартны вузел: у Ржэве перасякаюцца чыгункі Масква — Рыга і Мурманск — Новарасійск, у 1 км ад паўднёвай мяжы горада праходзіць аўтамагістраль М9 «Балтыя».

Вядомыя ўраджэнцы і жыхары

• Вячаслаў Мікалаевіч Абрашын (нар. 1943) — беларускі матэматык
• Міхаіл Паўлавіч Сакалоўскі (1887—1977) — вучоны, хірург, доктар медыцынскіх навук.

Гарады пабрацімы

• Гютэрсла (Германія)
• Катрынехольм (Швецыя)
• Ковель (Украіна)
• Легіянова (Польшча)
• Сала (Фінляндыя)
• Сілістра (Балгарыя)
• Смела (Украіна)