Юрацішкаўскі раён

Юра́цішкаўскі раё́н — адміністрацыйна-тэрытарыяльная адзінка ў БССР у 1940—1960 гадах. Утвораны 15 студзеня 1940 года ў Баранавіцкай вобласці. Цэнтр — вёска Юрацішкі. 12 кастрычніка 1940 года быў падзелены на 16 сельсаветаў: Бакштаўскі, Бараўскі, Бачэшніцкі, Бобравіцкі, Даўнарскі, Заберажскі, Лаздунскі, Легамовіцкі, Макуцкі, Масцішчанскі, Расцеўшчынскі, Такарышкаўскі, Трабскі, Чапунскі, Чэнавіцкі, Юрацішкаўскі. З 20 верасня 1944 года ў складзе Маладзечанскай вобласці. 16 ліпеня 1954 года скасаваны Бараўскі, Бачэшніцкі, Бобравіцкі, Забярэжскі, Лаздунскі, Легамовіцкі, Макуцкі, Расцеўшчынскі, Чапунскі сельсаветы, утвораны Лаздунскі, Лежневіцкі і Лелюкінскі сельсаветы[1]. 23 снежня 1957 года вёска Юрацішкі набыла статус гарадскога пасёлка, Юрацішкаўскі сельсавет скасаваны[2]. 25 красавіка 1958 года Масцішчанскі сельсавет перайменаваны ў Яхімаўшчынскі[3]. 2 снежня 1959 года адноўлены Юрацішкаўскі сельсавет.

20 студзеня 1960 года раён Юрацішкаўскі быў скасаваны, яго тэрыторыя перададзена ў Іўеўскі раён.

Зноскі

1. ↑ Указ Президиума Верховного Совета Белорусской ССР от 16 июля 1954 г. Об объединении сельских советов Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
2. ↑ Указ Прэзідыума Вярхоўнага Савета БССР Аб пераўтварэнні вёскі Юрацішкі, Юрацішкаўскага раёна, Маладзечанскай вобласці, у гарадскі пасёлак ад 23 снежня 1957 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1957, № 12.
3. ↑ Рашэнне выканкома Маладзечанскага абласнога Савета дэпутатаў працоўных ад 25 красавіка 1958 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 4.

Літаратура

• Юрацішкаўскі раён // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2004. — Т. 18. Кн. 1: Дадатак: Шчытнікі — Яя. — 472 с. — 10 000 экз. — ISBN 985-11-0295-4 (т. 18. Кн. 1), ISBN 985-11-0035-8.
• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.