Іванаўскі раён

Іванаўскі раён — раён у складзе Брэсцкай вобласці. Іванаўшчына мяжуе з Драгічынскім, Бярозаўскім, Івацэвіцкім і Пінскім раёнамі Брэсцкай вобласці, а таксама Валынскай вобласцю Украiны.

Іванаўскі раён адміністрацыйна падзелены на 15 сельскіх саветаў.

Геаграфiя

Плошча — 1547 км² (6 % ад усёй тэрыторыi вобласцi). Працягласць раёна з захаду на ўсход складае 26 км, з поўначы на поўдзень — 60 км. 29 % тэрыторыi займаюць лясы (хваёвыя і бярозавыя). Працякаюць рэкi Ясельда, Няслуха, Самароўка, Піна, Піліпаўка i iнш. Па тэрыторыi раёна праходзiць Дняпроўска-Бугскі канал. Ёсць 11 азёр — Акунiна, Завышанскае, Белае, Пясчанае, Мотальскае i iнш. На тэрыторыi Броднiцкага сельсавета знаходзiцца заказнiк Завышанскi.

Гiсторыя

Раён утвораны 15 студзеня 1940 г. у складзе Пінскай вобласці БССР. Цэнтр — гарадскі пасёлак Іванава. 12 кастрычніка 1940 г. падзелены на 19 сельсаветаў: Адрыжынскі, Варацэвіцкі, Гарбахскі, Глінненскі, Дзедавіцкі, Дружылавіцкі, Застружскі, Крытышынскі, Ляскавіцкі, Ляхавіцкі, Магільнаўскі, Махроўскі, Моладаўскі, Опальскі, Псышчаўскі, Рудскі, Сачэўскі, Стрэльненскі, Тышкавіцкі, утвораны гарадскі пасёлак Моталь. З 8 студзеня 1954 года ў складзе Брэсцкай вобласці. 16 ліпеня 1954 года скасаваны Варацэвіцкі, Ляхавіцкі, Сачэўскі сельсаветы і гарадскі пасёлак Моталь, тэрыторыя якога перададзена ў склад Дзедавіцкага сельсавета, цэнтр сельсавета перанесены ў Моталь, сельсавет перайменаваны ў Мотальскі[5]. 14 кастрычніка 1957 года да раёна далучаны Бродніцкі і Кротаўскі сельсаветы скасаванага Жабчыцкага раёна. 26 лютага 1958 года Застружскі сельсавет перайменаваны ў Дастоеўскі. 9 сакавіка 1959 года скасаваны Кротаўскі і Тышкавіцкі сельсаветы[6]. 25 снежня 1962 года Іванаўскі раён скасаваны, Адрыжынскі, Гарбахскі, Глінненскі, Дастоеўскі (за выключэннем шэрагу населеных пунктаў), Дружылавіцкі, Крытышынскі, Ляскавіцкі, Магільнаўскі, Махроўскі, Моладавіцкі, Мотальскі, Опальскі, Псышчаўскі, Рудскі, Стрэльненскі сельсаветы і гарадскі пасёлак Іванава перададзены ў склад Драгічынскага раёна, Бродніцкі сельсавет і вёскі Атолчыцы, Вілы, Закуцце, Каралін, Кротава, Навасёлкі, Палкоцічы, Скароцічы Дастоеўскага сельсавета перададзены Пінскаму раёну. 6 студзеня 1965 года Іванаўскі раён адноўлены ў ранейшых межах, уключаў гарадскі пасёлак Іванава, Адрыжынскі, Гарбахскі, Глінненскі, Дастоеўскі, Дружылавіцкі, Крытышынскі, Ляскавіцкі, Магільнаўскі, Махроўскі, Моладавіцкі, Мотальскі, Опальскі, Псышчаўскі, Рудскі, Стрэльненскі сельсаветы Драгічынскага раёна, Бродніцкі сельсавет і шэраг населеных пунктаў Ахоўскага сельсавета Пінскага раёна[7]. 16 лістапада 1970 года Магільнаўскі сельсавет перайменаваны ў Снітаўскі. 11 сакавіка 1971 года гарадскі пасёлак Іванава набыў статус горада раённага падпарадкавання. 4 кастрычніка 1982 года Глінненскі сельсавет перайменаваны ў Залядынскі. 17 лютага 1986 года Залядынскі сельсавет скасаваны. 6 верасня 2000 года Стрэльненскі сельсавет перайменаваны ў Сачыўкаўскі. 26 чэрвеня 2013 года скасаваны Дастоеўскі, Дружылавіцкі, Крытышынскі, Псышчаўскі, Снітаўскі сельсаветы[8].

Насельнiцтва

У раёне 15 сельсаветаў, 102 сельскiх населенных пунктаў. Насельнiцтва — 49,5 тыс. чалавек (2003), з iх сельскiх жыхароў — 33,1 тыс., гарацкiх — 16,4 тыс. чалавек. По шчыльнасцi насельнiцтва ў вобласцi раён займае трэцяе месца — 33 чалавека. Усяго пенсiянераў — 15,8 тыс. чалавек.

У раёне пражываюць прадстаўнiкi 31 народа: беларусаў — 94,6 %, украiнцаў — 2,8 %, рускiх — 2,3 %, iншых — 0,3 %.

Ганаровыя грамадзяне

• Напалеон Орда (1807—1883) — мастак.
• Мікалай Міронавіч Шыкалай
• Сяргей Аляксандравіч Ражкавец
• Сяргей Мікалаевіч Маркевіч
• Вячаслаў Мікалаевіч Кашталян
• Аляксей Трафімавіч Каўко
• Пётр Іванавіч Брыгадзін (1949, в. Моладава — 2021) — гісторык, міністp адукацыі Беларусі (2001—2003).
• Марыя Пятроўна Гарупа

Культура i адукацыя

У раёне дзейнiчаюць 56 агульнаадукацыйных школ, 2 вучэбна-вытворчыя камбiнаты, дом моладзi, дзiцяча-юнацкая спартыўная школа, 23 дзiцячых дашкольных установы. Тут ёсць таксама 47 дамоў культуры, 57 бiблiятэк, 5 музычных школ.

Старшыні Іванаўскага райвыканкама

• з 16 мая 2019 — Анатоль Уладзіміравіч Ткачук[9].

Зноскі

1. ↑ http://ivanovo.brest-region.gov.by/index.php?option=com_content&view=article&id=6295&Itemid=348&lang=ru
2. 1 2 3 Вынікі перапісу 2009 года
3. ↑ «Дзяржаўны зямельны кадастр Рэспублікі Беларусь» (па стане на 1 студзеня 2011 г.)
4. ↑ GeoNames — 2005. Праверана 9 ліпеня 2017.
5. ↑ Указ Президиума Верховного Совета Белорусской ССР от 16 июля 1954 г. Об объединении сельских советов Брестской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
6. ↑ Рашэнне выканкома Брэсцкага абласнога Савета дэпутатаў працоўных ад 9 сакавіка 1959 г. // Зборнік законаў Беларускай ССР і указаў Прэзідыума Вярхоўнага Савета Беларускай ССР. — 1959, № 4.
7. ↑ Указ Президиума Верховного Совета Белорусской ССР от 25 декабря 1962 г. Об укрупнении сельских районов БССР Архівавана 11 верасня 2019.
8. ↑ Решение Брестского областного Совета депутатов от 26 июня 2013 г. № 287 Об изменениях в административно-территориальном устройстве Ивановского района Брестской области Архівавана 11 красавіка 2021.
9. ↑ Лукашэнка разгледзеў кадравыя пытанні 16.05.2019

Літаратура

• Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
• Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.

Спасылкі

• На Вікісховішчы ёсць медыяфайлы па тэме Іванаўскі раён
• Афіцыйная старонка Іванаўскага раённага выканаўчага камітэта Архівавана 30 лістапада 2020.
• Навіны Іванаўскага раёна на інфармацыйным партале Палесся Pinsk.tv Архівавана 12 сакавіка 2013.