Александроў (Жлобінскі раён)

У паняцця ёсць і іншыя значэнні, гл. Александроў.

Александро́ў[1] (трансліт.: Alieksandroŭ, руск.: Александров) — вёска ў Жлобінскім раёне Гомельскай вобласці. Уваходзіць у склад Салонскага сельсавета. Насельніцтва 20 чал. (2010). Знаходзіцца за 15 км на паўднёвы захад ад горада Жлобін, за 1 км ад чыгуначнай станцыі Мормаль (лінія Жлобін — Калінкавічы), за 181 км ад Гомеля.

Гісторыя

Паводле пісьмовых крыніц вядомая з XIX стагоддзя. У 1909 годзе 324 дзесяціны зямлі, у Стрэшынскай воласці Рагачоўскага павета Магілёўскай губерні. У 1930 годзе жыхары ўступілі ў калгас. Падчас Вялікай Айчыннай вайны ў чэрвені 1943 года гітлераўскія карнікі цалкам спалілі вёску і забілі 8 жыхароў. 19 жыхароў загінулі на франтах. У 1954 годзе да вёскі далучаны суседнія вёскі Гнілая Лужына і Залужжа. Паводле перапісу 1959 года ў складзе саўгасу «Ніва» (цэнтр — вёска Нівы). Да 11 лютага 1960 года вёска ўваходзіла ў склад Мормальскага сельсавета[2], да 8 снежня 1966 года — у склад Акцябрскага сельсавета[3].

Насельніцтва

• XIX стагоддзе: 1897 — 2 двары, 10 жыхароў (паводле перапісу)
• XX стагоддзе: 1909 — 15 двароў, 93 жыхары; 1925 — 36 двароў; 1940 — 45 двароў, 250 жыхароў; 1959 — 216 жыхароў (паводле перапісу); 1999 — 39 жыхароў
• XXI стагоддзе: 2004 — 20 гаспадарак, 29 жыхароў[4]; 2010 — 20 жыхароў

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Залу́жжа, н.
2. ↑ Рашэнне выканкома Гомельскага абласнога Савета дэпутатаў працоўных ад 11 лютага 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 4.
3. ↑ Рашэнне выканкома Гомельскага абласнога Савета дэпутатаў працоўных ад 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
4. ↑ Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. — 632 с.: іл. ISBN 985-11-0303-9.

Спасылкі

• На Вікісховішчы ёсць медыяфайлы па тэме Александроў (Жлобінскі раён)