Брынёва

Брынёва[1] (трансліт.: Bryniova, руск.: Бринёво) — вёска ў Жыткавіцкім раёне Гомельскай вобласці. Уваходзіць у склад Марохараўскага сельсавета. Чыгуначная станцыя на лініі Лунінец — Гомель.

Геаграфія

Размяшчэнне

У 10 км на ўсход ад Жыткавіч, 228 км ад Гомеля.

Транспартная сетка

Будынкі драўляныя, уздоўж чыгункі.

Гісторыя

Заснавана ў XIX стагоддзі як маёнтак памешчыка Г. А. Кяневіча, дзе было пачата вытворчасць цукру і ў 1861 годзе выпушчана прадукцыі на 1100 рублёў. З 1884 года працаваў бровар. З пускам у эксплуатацыю 15 лютага 1886 года чыгункі Лунінец — Калінкавічы пачаў дзейнічаць раз’езд, а затым чыгуначная станцыя. Падчас Вялікай Айчыннай вайны вызвалена ад захопнікаў 5 ліпеня 1944 года.

Насельніцтва

Колькасць

• 2004 год — 3 гаспадаркі, 7 жыхароў.

Дынаміка

• 1959 год — 54 жыхара (паводле перапісу).
• 2004 год — 3 гаспадаркі, 7 жыхароў.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Брынёў, м.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх