Вароніна (Жыткавіцкі раён)

У паняцця ёсць і іншыя значэнні, гл. Вароніна.

Варо́ніна[1] (трансліт.: Varonina, руск.: Воронино) — вёска ў Жыткавіцкім раёне Гомельскай вобласці. Уваходзіць у склад Верасніцкага сельсавета.

Геаграфія

Размяшчэнне

У 33 км на паўднёвы захад ад раённага цэнтра і чыгуначнай станцыі Жыткавічы (на лініі Лунінец — Калінкавічы), 266 км ад Гомелю.

Транспартная сетка

Транспартныя сувязі па прасёлкавай, затым аўтамабільнай дарозе Тураў — Лельчыцы. Планоўка складаецца з прасталінейнай мерыдыянальнай вуліцы, якая на поўдні далучаецца да цэнтра шыротнай прасталінейнай вуліцы. Забудова двухбаковая, няшчыльная, драўляная, сядзібнага тыпу.

Гісторыя

Выяўленыя археолагамі бескурганны магільнік ранняга жалезнага стагоддзя (у цэнтры вёскі) і 2 селішчы ранняга жалезнага стагоддзя (у 0,3-0,8 км на поўнач ад вёскі) сведчаць пра засяленне гэтых месцаў з даўніх часоў. Паводле пісьмовых крыніц вядомая з XVII стагоддзя як паселішча ў Мазырскім павеце Менскага ваяводства Вялікага Княства Літоўскага. У 1671 годзе фальварак Варонічы, валоданне Радзівілаў. Пасля 2-га падзела Рэчы Паспалітай (1793 год) у складзе Расійскай імперыі.

У 1931 годзе жыхары ўступілі ў калгас. Падчас Вялікай Айчыннай вайны 10 жыхароў загінулі на франтах. Паводле перапісу 1959 года ў складзе калгасу «Перамога» (цэнтр — вёска Запясочча).

Насельніцтва

Колькасць

• 2004 год — 53 гаспадаркі, 109 жыхароў.

Дынаміка

• 1959 год — 262 жыхара (паводле перапісу).
• 2004 год — 53 гаспадаркі, 109 жыхароў.

Славутасці

• Селішча-1 перыяду ранняга жалезнага веку і сярэднявечча (1-е тысячагоддзе да н.э. — пачатак 2-га тысячагоддзя н.э.), на ўскраіне вёскі, на правым беразе старыцы р. Вароніна —  Гісторыка-культурная каштоўнасць Беларусі, шыфр 313В000338шыфр 313В000338
• Селішча-2 перыяду ранняга жалезнага веку (V стагоддзе да н.э. — V стагоддзе н.э.), за 0,5 км на поўнач ад вёскі —  Гісторыка-культурная каштоўнасць Беларусі, шыфр 313В000339шыфр 313В000339
• Селішча-3 перыяду ранняга жалезнага веку (ІІІ стагоддзе да н.э. — V стагоддзе н.э.), за 0,3 км на поўнач ад кароўніка, на беразе р. Вароніна —  Гісторыка-культурная каштоўнасць Беларусі, шыфр 313В000340шыфр 313В000340
• Бескурганны могільнік перыяду ранняга жалезнага веку (ІІ стагоддзе да н.э. — І стагоддзе н.э.), у цэнтры вёскі —  Гісторыка-культурная каштоўнасць Беларусі, шыфр 313В000341шыфр 313В000341

Вядомыя асобы

• Міхаіл Іванавіч Русы — беларускі дзяржаўны дзеяч.

Зноскі

1. ↑ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх