Гарадзец (Кобрынскі раён)

У паняцця ёсць і іншыя значэнні, гл. Гарадзец.

Гарадзе́ц — аграгарадок, раней мястэчка, у Кобрынскім раёне Брэсцкай вобласці. Стаіць на беразе Каралеўскага канала, за 22 км на ўсход ад Кобрына, 1,5 км ад чыгуначнай станцыі Гарадзец, на аўтамабільнай дарозе Кобрын—Драгічын. Уваходзіць у склад і з’яўляецца цэнтрам Гарадзецкага сельсавета.

Гісторыя

Вялікае Княства Літоўскае

У XVI стагоддзі належыла ўдаве Стэфана Баторыя каралеве Ганне. У 1588 годзе ў ліку каралеўскіх вотчын атрымала магдэбургскае права. З 1795 года, пасля 3-га падзелу Рэчы Паспалітай у складзе Расійскай імперыі.

Расійская імперыя

У 1886 годзе — цэнтр воласці, у 1891 — мястэчка Кобрынскага павета Гродзенскай губерні. Мястэчка налічвала 1559 жыхароў, дзейнічалі праваслаўная царква, яўрэйская школа, прыстань, штогод праводзілася 2 кірмашы.

Найноўшы час

З 1921 года ў Кобрынскім павеце Палескага ваяводства. З 1939 — у складзе БССР, з 12.10.1940 — цэнтр Антопальскага сельсавета, з 8.8.1959 Кобрынскага раёна. У 1970 годзе ў вёсцы 1500 жыхароў, 411 двароў.

Указам Прэзідэнта Рэспублікі Беларусь ад 2.12.2008 года № 659 зацверджаны афіцыйныя геральдычныя сімвалы Гарадца — герб і сцяг.

Насельніцтва

• 1993 год — 569 двароў, 1516 жыхароў.

Інфраструктура

У вёсцы працуе гароднінасушыльны і цагельны камбінаты, сярэдняя школа, бібліятэка, клуб, бальніца, аддзяленне сувязі, 9 магазінаў.

Вядомыя асобы

• Мікалай Яўгенавіч Парфянюк (нар. 1957) — савецкі і расійскі музыкант, кампазітар, аранжоўнік, вакаліст. Заслужаны артыст Расійскай Федэрацыі (2003).
• Ігар Васілевіч Соўпель (нар. 1949) — вучоны ў галіне тэхнічнай кібернетыкі і інфарматыкі, доктар тэхнічных навук, кандыдат фізіка-матэматычных навук, прафесар[1].

Славутасці

• Свята-Ушэсцеўская царква (XVIII ст., драўляная) —  Гісторыка-культурная каштоўнасць Беларусі, шыфр 113В000418шыфр 113В000418

Страчаная спадчына

• Касцёл Звествання Найсвяцейшай Дзевы Марыі (1865—1866 гады, мураваны) — перабудаваны ў царкву ў 1867—71 гадах архітэктарамі Барташэўскім, Кадрунцавым і Чакмасавым. За савецкім часам перабудаваны ў школу[2].

Зноскі

1. ↑ Соўпель Iгар Васiльевiч, доктар тэхнічных навук, кандыдат фізіка-матэматычных навук, інфарматыка на сайце анлайн-энцыклапедыі «Беларусь у асобах і падзеях»
2. ↑ Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд.. — Мн.: БелЭн, 2008. — 488 с. — ISBN 978-985-11-0395-5. — С. 407

Літаратура

• Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн.: БелЭн, 1994. — 537 с., [8] к.: іл. — 20 000 экз. — ISBN 5-85700-142-0.

Спасылкі

• На Вікісховішчы ёсць медыяфайлы па тэме Гарадзец (Кобрынскі раён)